ފ.ނިލަންދޫގައި ހުންނަ މަސްފެކްޓްރީ ކައިރީ އަލިފާނުގެ ހާދިސާއެއް ހިނގައިފިއެވެ.

އެމްއެންޑީއެފުން ބުނީ މި ހާދިސާ ހިނގިކަމުގެ ރިޕޯޓް ލިބިފައިވަނީ ރޭ ދަންވަރު 01:50 ގައި ކަމަށެވެ. މި ހާދިސާގައި އަލިފާން ރޯވެފައިވަނީ މަސްފެކްޓްރީ ކައިރީ ހުރި ކުނިތަކެއްގައެވެ. މި ހާދިސާގެ މައުލޫމާތު ލިބުމާއެކު އެމްއެންޑީއެފް ސެންޓްރަލް އޭރިއާ ކޮމާންޑް، ނިލަންދޫ ފަޔަރ ސްޓޭޝަނުން ވަނީ އެ ސަރަހައްދަށްގޮސް އަލިފާންގަނޑު ނިންވާލާފައެވެ. އަލިފާން ނިއްވާލެވުނީ 02:10 ހާއިރުއެވެ.

އެމްއެންޑީއެފުން ބުނީ މި ހާދިސާގައި އެއްވެސް މީހަކަށް އަނިޔާވިކަމުގެ ރިޕޯޓެއް ލިބިފައި ނުވާކަމަށެވެ.