ޕީއެސްއެމްގެ އެމްޑީކަމުގެ މަގާމުން ނަސްރީން އިސްތިއުފާ ދެއްވައިފި
ޕަބްލިކް ސާވިސް މީޑިއާގެ މެނޭޖިންގ ޑިރެކްޓަރުކަމުގެ މަގާމުގައި ހުންނެވި އިބްރާހިމް ނަސްރީން މަގާމުން އިސްތިއުފާދެއްވައިފިއެވެ.
ނިސްރީން މަގާމުން އިސްތިއުފާދެއްވާފައިވަނީ މިއަދުގެ ވަގުތެއްގައެވެ. ވޮއިސްއަށް މައުލޫމާތު ލިބިފައިވާ ގޮތުގައި ނިސްރީނު ޕީއެސްއެމްގެ އެމްޑީކަމުގެ މަގާމުން އިސްތިއުފާދެއްވީ ސަރުކާރުގެ އެހެން މަގާމަކަށް ވަޑައިގަތުމަށެވެ.
ޕީއެސްއެމްގެ އެމްޑީއަކަށް ނިސްރީނު ހަމަޖެއްސެވީ ޑިސެމްބަރުމަހުގެ 22 ވަނަ ދުވަހުއެވެ.
ނަސްރީނަކީ ޕީއެސްއެމްގެ މާކެޓިން ޑިޕާޓްމަންޓުގައި ގިނަ ދުވަސްތަކެއް ވަންދެން ހިދުމަތް ކުރައްވާފައިވާ ބޭފުޅެކެވެ. ނަސްރީން މަތީ ތައުލީމް ހާސިލްކުރެއްވީ ކޮމިޔުނިކޭޝަން އަދި ކްރިއޭޓިވްޓެކްނޮލޮޖީގެ ރޮނގުންނެވެ. އޭނާ މިހާރު ގެންދަވަނީ ޕީއެޗްޑީއަށް ކިޔަވާ ވިދާޅުވަމުންނެވެ.
ނަސްރީން ވަނީ 2015 ވަނަ އަހަރު އެމެރިކާގެ ޓްރެވަލް އެންޑް ޓޫރިޒަމް ރިސަރޗް އެސޯސިއޭޝަނުން ބޭއްވި ޓޫރިޒަމް ރިސަރޗް ކޮންފަރެންސަށް ހުށަހަޅުއްވައި، އެންމެމޮޅު މާސްޓަރޒް ސްޓޫޑަންޓް ރިސަރޗް އެވޯޑް ހޯއްދަވާފައެވެ. އެކަމުގެ އަގު ވަޒަންކުރުމުގެ ގޮތުން ސަރުކާރުން ވަނީ 2016 ވަނަ އަހަރު ނަސްރީނަށް މަތީ ދަރަޖަ ހޯދާ ފަރާތްތަކަށް ރައީސުލްޖުމްހޫރިއްޔާ ދެއްވާ ހާއްސަ އިނާމުވެސް އަރުވާފައެވެ.
ޕީއެސްއެމްގެ އެމްޑީކަމުގެ މަގާމަށް ނިސްރީނު އައްޔަނުކޮށްފައިވަނީ ކުރިން އެމަގާމުގައި ހުންނެވި މުހައްމަދު ސައީދު އިސްތިއުފާދެއްވުުމުންނެވެ.
Advertisement
This content is created and paid for by advertisers and does not involve Voice Journalists