ކޮންމެ އަތޮޅެއްގައި ޔުނިވާސިޓީ ކެމްޕަހަކާއި ދަނާލެއް އަޅަން ނިންމާ އެ މަސައްކަތް މިހާރު ކުރިއަށްދާ ކަމަށް ރައީސުލްޖުމްހޫރިއްޔާ ޑރ. މުހައްމަދު މުޢިއްޒު މިރޭ ވިދާޅުވެއްޖެ އެވެ.
ޔޫތު ހަބްގައި މިރޭ އޮތް "ޔޫތު ކޮފީ ވިތު ޕްރެޒިޑެންޓް" ހަރަކާތުގައި ވާހަކަފުޅު ދައްކަވަމުން ރައީސް ވިދާޅުވީ ކޮންމެ އަތޮޅެއްގައި ޔުނިވާސިޓީ ކެމްޕަހަކާއި ދަނާލެއް ގާއިމު ކުރުމުގެ މަސައްކަތް ކުރަމުންދާ ކަމަށެވެ. މިހާރު ވެސް ހުރިހާ އަތޮޅެއްގައި ޔުނިވާސިޓީ ކެމްޕަސްތައް ހެދުމަށް މިހާރު ހަވާލުކޮށްފައިވާ ކަމަށް ރައީސް ވިދާޅުވި އެވެ.
އަދި ވިދާޅުވީ ބައެެއް އަތޮޅުތަކުގައި ދެ ޔުނިވާސިޓީގެ ކެމްޕަސްތައް ގާއިމު ކުރާނެ ކަމަށެވެ. ކޮންމެ އަތޮޅެއްގައި މޯލްޑިވްސް ނެޝަނަލް ޔުނިވާސިޓީ ނުވަތަ އިސްލާމިކް ޔުނިވާސިޓީ އޮފް މޯލްޑިވްސްގެ ކެމްޕަހެއް ގާއިމު ކުރެވޭނެ ކަމަށް ރައީސް ވިދާޅުވި އެވެ.
"މި އަހަރު ނިމެންވާއިރު އިމާރާތްތައް ނިމި މި ތަންތަން ހުޅުވޭވަރުވާނެ ކަމަށް އަޅުގަނޑަށް ބެލެވޭ," ރައީސް ވިދާޅުވި އެވެ.
ރައީސް ވިދާޅުވީ ހުރިހާ އަތޮޅެއްގައި ދަނާލުތައް ހެދުމަށް އަދި ހަވާލު ނުކުރެވޭ ކަަމަށެވެ. ނަމަވެސް ބައެއް އަތޮޅުތަކުގައި ދަނާލުތައް އެޅުމަށް މިހާރު ހަވާލުކޮށްފައިވާ ކަމަށެވެ. ރައީސް ވިދާޅުވި ގޮތުގައި އަންނަ އަހަރުގެ ނިޔަލަށް ކޮންމެ އަތޮޅެއްގައި ހަޔާ އެޑިއުކޭޝަންގެ ކެމްޕަހެއް ހުންނާނެ ކަމަށެވެ.
Advertisement
This content is created and paid for by advertisers and does not involve Voice Journalists
