މިފެށުނު އާ އަހަރު ކުރައްވާ އެންމެ ހާއްސަ އިލްތިމާސަކީ އަޅުގަނޑުމެން އެންމެން ވެސް ރުޅި މަޑުކުރުމާއި މަޑުމައިތިރިވުން ކަމުގައި ކުރީގެ ރައީސް މައުމޫން އަބްދުލްގައްޔޫމް ވިދާޅުވެއްޖެ އެވެ.
އެމަނިކުފާނު މިހެން ވިދާޅުވީ އެކްސް ގައި ކުރެއްވި ޕޯސްޓެއްގަ އެވެ. އައު އަަހަރުގެ ހަތަރުވަނަ ދުވަހު ކުރެއްވި ޕޯސްޓްގައި ރައީސް މައުމޫން ވަނީ މިފެށުނު އާ އަހަރު ކުރައްވާ އެންމެ ހާއްސަ އިލްތިމާސްގެ ގޮތުގައި ތިން ކަމެއް ހިމަނުއްވާފަ އެވެ.
އެއީ ރުޅިމަޑު ކުރުމާއި މަޑުމަތިވުމެވެ. އަދި އެކަކު އަނެކަކަށް ކަމޭހިތުމެވެ.
1978 ވަނަ އަހަރުން ފެށިގެން 2008 ވަނަ އަހަރުގެ ނިޔަލަށް 30 އަހަރު ރާއްޖޭގެ ވެރިކަން ކުރެއްވި ރައީސް މައުމޫން ގެންދަވަނީ ދިވެހީންގެ ތެރޭގައި ހުރި ނުރަނގަޅު ގޯސް އާދަތައް ފާހަގަ ކުރައްވާ އެކަންކަމާއި މެދު ކަންބޮޑުވުން ފާޅު ކުރައްވަމުންނެވެ. އެފަދަ ކަންކަން އިސްލާހު ކުރެއްވުމަށް އިލްތިމާސް ކުރައްވަ އެވެ.
ރައީސް މައުމޫނަކީ ރާއްޖޭަގައި މިވަގުތު ހުންނެވި އެންމެ ވަރުގަދަ ސިޔާސީ އެއް ލީޑަރެވެ. އެންމެ ތަޖުރިބާކާރު ލީޑަރަކީ އެއީ އެވެ. އެމަނިކުފަނީ ދީނީ އިލްމު އުނގެނިވަޑައިގެން ހުންނެވި ބޮޑު އިލްމުވެރިއެއްވެސް މެ އެވެ.
Advertisement
This content is created and paid for by advertisers and does not involve Voice Journalists
