ސާފް ފުޓްސަލް ޗެމްޕިއަންޝިފް؛ ޕާކިސްތާން އަތުން ރާއްޖެއަށް ބޮޑު މޮޅެއް
ތައިލެންޑްގައި މިހާރު ކުރިއަށްދާ ސާފް ފުޓްސަލް ޗެމްޕިއަންސިޕް މުބާރާތުގައި ރާއްޖޭގެ ފިރިހެން ޤައުމީޓީމް ޕާކިސްތާނާ ބައްދަލުކުރިމެޗް ތަފާތުބޮޑު ނަތީޖާއަކުން ކާމިޔާބުކޮށްފިއެވެ.
މިމެޗްގައި ރާއްޖޭގެ ޓީމުން ޕާކިސްތާނުގެ މައްޗަށް ކުރިހޯދީ 7-1 ގެ ނަތީޖާއިންނެވެ. މެޗްގެ ފުރަތަމަ ހާފްގައި ރާއްޖެއިން ވަނީ ޕާކިސްތާނުކޮޅަށް ފަސް ލަނޑު ޖެހިއެވެ. މެޗްގައި ރާއްޖެއަށް ގޯލް ހުޅުވާލަދިނީ އަލީ ހަމީދު (އައްމަޑޭ) އެވެ.
މެޗްގައި ދެން ރާއްޖެއަށް ލަނޑުތައް ކާމިޔާބުކޮށްދިނީ، އަލީ ޝިޔާހް (ޝިޔާ)، ކެޕްޓަން މުޙައްމަދު އިމްރާން (އިންމި)، ގޯލްކީޕަރު ޒައިދާން އަހުމަދު (އަސޫ)، އަލީ ޝަމާލް އަބްދުﷲ (ޝަންމު) އަދި އަބްދުﷲ ޝާފިއު (ޝާއްޕެ) އެވެ.
މެޗްގައި ރާއްޖޭގެ ޓީމްގެ ކީޕަރު ޒައިދާން ވަނީ ޕާކިސްތާނު ޓީމުން ފޮނުވާލި ނުރައްކާތެރި ހަމަލާތައް ދިފާއުކޮށް މޮޅު ކުޅުމެއް ދައްކާފައެވެ.
މެޗްގައި ޕާކިސްތާނުން ލަނޑު ޖަހާފައިވަނީ ފަހު ހާފްގައި ނިސާރު ހުސެއިން އެވެ.
މި މުބާރާތުގައި ދިވެހިރާއްޖެ ދެން ނިކުންނާނީ ބަނގްލަދޭޝްއާ ދެކޮޅަށެވެ. މުބާރާތުގައި އިންޑިއާ އާ ބަންގްލަދޭޝް ކުޅުނު ފުރަތަމަ މެޗް ނިމުނީ އެއްވަރުވެގެންނެވެ.
Advertisement
This content is created and paid for by advertisers and does not involve Voice Journalists
