ވެލިދޫއަށް ފެށި ސީޕްލޭންގެ ދަތުރުތަކާއެކު ވިޔަފާރީގެ އެކި ދާއިރާތަކަށް ފަސޭހަކަމާއެކު ކުރިއެރުންތައް ލިބިގެންދާނޭކަމަށް އިގްތިސާދީ ވަޒީރު މުހައްމަދު ސައީދު ވިދާޅުވެއްޖެއެވެ.
ވެލިދޫއަށް ސީޕްލޭންގެ ދަތުރުތައް ރަސްމީކޮށް ފެށުމަށް ބޭއްވި ރަސްމިއްޔާތުގައި ވާހަކަަދައްކަވަމުން މިނިސްޓަރު ސައީދު ވިދާޅުވީ، މިކަމުގެ ސަބަބޔުން ރައްޔިތުންނާ ވިޔަފާރިވެރިންގެ އިތުރުން ފަތުރުވެރިން އަދި ރަށަށް ޒިޔާރަތްކުރާ މެހެމާނުންނާއި އެނޫންވެސް ފަރާތްތަކަށް ވަރަށްބޮޑު ލުއިފަސޭހަކަމެއް ލިބިގެންދާނެކަމަށެވެ.
އެގޮތުން މިއީ ފަތުރުވެރިކަން ކުރިއެރުވުމަށާއި ވިޔަފާރީގެ އެކިއެކި މުއާމަލާތްތައް ކުރިއަށް ގެންދިއުމަށް ވެލިދޫގެ އިތުރުން އެރަށާ ކައިރި ހިސާބުތަކަށްވެސް ވަރަށްބޮޑު ފަސޭހައެއްކަމަށް މިނިސްޓަރު ފާހަގަކުރެއްވިއެވެ.
އަތޮޅުގެ މިހިސާބުގެ ރަށްތަކަށް ހާއްސަ ގޮތެއްގައި ވަރަށް ބޮޑު ލުޔެއް މި ލިބުނީ. އަދި ވަކިން ހާއްސަކޮށް ބަރަކާތްތެރި ރަމަޟާން މަސް ކުރިއަށް މިއޮތީ. އޮތްއިރުގައި ކާބޯތަކެއްޗާ ވިޔަފާރީގެ އެކިއެކި މުދާވެސް ހަމަ އެންމެ ގިނައިން ގެންނަ އެއް ރަށަށް ވާނެ މި ވެލިދޫ ހަމަ ގާތްގަނޑަކަށް މިއަތޮޅަށް ބެލިކަމުގައިވިޔަސް.
އިކޮނޮމިކް މިނިސްޓަރު ސައީދު
ޓްރާންސްޕޯޓް މިނިސްޓަރު މުޙައްމަދު އަމީން ވިދާޅުވީ މިއީ ހަމައެކަނި ޕްލެޓްފޯމެއް އަޅާފައި ނިންމާލާ މަސައްކަތެއް ނޫންކަމަށާއި، ސީޕްލޭން އޮޕަރޭޝަނުގެ ފަހަތުގަ ވަރަށް ބޮޑެތި ހަރަދުތަކެއްވެސް ހިމެނޭކަމަށެވެ. ރާއްޖޭގެ އާބާދީގެ ނިސްބަތަށް ބަލާއިރު މިކަމަކީ ނިސްބަތުންބޮޑު ހަރަދެއް ކުރަންޖެހޭ ކަމެއްކަންވެސް އަމީން ފާހަގަކުރެއްވިއެވެ.
ޓްރާންސްޕޯޓް މިނިސްޓަރު އަމީން... ފޮޓޯ: މޯލްޑިވިއަން
މިފަދަ އޮޕަރޭޝަނެއް ހިންގުމަކީވެސް ވަރަށް ހަރަދު ބޮޑު މަސައްކަތެއް. އެހެންނަމަވެސް ތަރައްގީގެ ގޮތުންނާ ލޯކަލް ޓޫރިޒަމް ކުރިއެރުމުގެ ގޮތުން އަދި މިއީ އުމްރާނީ ގޮތުންވެސް ކުރަންޖެހޭ ބައެއް ކަންތައްތައް ކުރުމުގަ. ދަތުރުފަތުރުގެ ނިޒާމަކީ ވަރަށް މުހިއްމު މަސައްކަތަކަށް ވުމާއެކީގައި ކަނޑުމަގުން އޮންނަ ނެޓްވޯކްގެ އިތުރަށް ވައިގެ މަގުންވެސް މި ނެޓްވޯކް އިތުރުކުރެވުން އެއީ ރައީސްގެ ޕޮލިސީގެ ދަށުން ވަރަށް އިސްކަމަކަށް ވާތީ
ޓްރާންސްޕޯޓް މިނިސްޓަރު އަމީން
މިނިސްޓަރު ވިދާޅުވީ ވެލިދޫއަކީ ސީޕްލޭންގެ ހިދުމަތް ފެށި ތިންވަނަ ސަރަހައްދު ކަމަށާއި، މީގެ ކުރިން ބ.އަތޮޅުގެ ދެ ރަށެއްގައި ސީޕްލޭންގެ ހިދުމަތް ދެމުން ގެންދާކަމަށެވެ. އެގޮތުން ތޮއްޑޫގައިވެސް ސީޕްލޭންގެ ހިދުމަތް ފެށިގެންދާނޭކަމަށް މިނިސްޓަރު އަމީން ވިދާޅުވިއެވެ.
ވައިގެ ދަތުރުފަތުރުގެ ދާއިރާ ތަރައްޤީކޮށް ކޮންމެ ރަށަކުންވެސް ގިނަވެގެން 30 މިނެޓް ތެރޭގައި ދެވޭ ހިސާބެއްގައި އެއާޕޯޓެއް އޮތުމަކީ މި ސަރުކާރުގެ ސިޔާސަތެކެވެ. ސަރުކާރުން މިހާރުވެސް ދަނީ ރަށްރަށުގައި ޑޮމަސްޓިކް އެއާޕޯޓްތައް ތަރައްޤީކުރުމުގެ މަސައްކަތް ކުރަމުންނެވެ.
Advertisement
This content is created and paid for by advertisers and does not involve Voice Journalists
