މިހާތަނަށް ޓީމަކަށް މުބާރާތެއް ނިންމާލެވޭނެ އެންމެ ޝަރަފްވެރި ނަތީޖާއާއެކު ރާއްޖެއިން ސާފް ފުޓްސަލް ޗެމްޕިއަންޝިޕްގެ ފިރިހެނުންގެ އިވެންޓް ނިންމާލައިފިއެވެ.
މުބާރާތް ބޭއްވި ފުރަތަމަ ފަހަރު ރާއްޖެއިން ޗެމްޕިއަންކަން ހޯދާފައިވަނީ، އެއްވެސް މެޗަކުން ބަލިނުވެ ރެކޯޑަކާއެކުގައެވެ. މުބާރާތުގައި ރާއްޖެއިން ވަނީ ގަދަ ޓީމުތައް ތަފާތުބޮޑު ނަތީޖާތަކަކުން ބަލިކޮށްފައެވެ. ސާފް ފުޓްސަލް ޗެމްޕިއަންޝިޕް ފިރިހެނުންގެ މުބާރާތުގައި ރާއްޖެ އެންމެ ފަހު މެޗް ކުޅެފައިވަނީ މިއަދުއެވެ. ސްރީލަންކާ އާ ދެކޮޅަށް ކުޅުނު މިމެޗް ރާއްޖެއިން ކާމިޔާބުކުރީ 5-2 ގެ ނަތީޖާއަކުންނެވެ.
މި މުބާރާތުގައި ރާއްޖެ ސްރީލަންކާ އާ ދެކޮޅަށް ނުކުތްއިރުވެސް ރައްޖޭގެ ޓީމުން ވަނީ ޗެމްޕިއަންކަން ކަށަވަރުކޮށްފައެވެ. ނަމަވެސް ރާއްޖެއިން މިމެޗްވެސް ނަގާފައިވަނީ ވަރަށް ސީރިއަސްކޮށެވެ. ސަބަބަކަށްވީ އެއްވެސް މެޗަކުން ބަލިނުވެ، ސައްތައިގެ ރެކޯޑަކާއެކު މުބާރާތް ނިންމާލުމެވެ.
ސާފް ފުޓްސަލް ޗެމްޕިއަންޝިޕްގައި ރާއްޖޭގެ ޓީމުން ކުޅެންޖެހޭ މެޗްތަކުގެ ކުޅުނުން ނިމުނުއިރު، މާދަމާ އިރުއޮއްސޭއިރު ރާއްޖޭގެ ޓީމް ރާއްޖެ އައުމަށްވަނީ ހަމަޖެހިފައެވެ. ޤައުމީ ފުޓްސަލް ޓީމަށް މަރުހަބާކިޔުމުގެ ގޮތުން ވަރަށް ކުލަގަދަ ގޮތެއްގައި ތައްޔާރުވުމަށް ސަރުކާރުން ދަނީ ތައްޔާރުވަމުންނެވެ. މިކަމުގައި ކުޅިވަރު އެސޯސިއޭޝަންތަކާއި ކުންފުނިތަކާއި ރައްޔިތުން ބައިވެރިވެެއެވެ.
Advertisement
This content is created and paid for by advertisers and does not involve Voice Journalists
