ފ.އަތޮޅު ނިލަންދޫގައި ޓޫރިސްޓް ހޮޓަލެއް ތަރައްޤކޮށް ހިންގާނޭ ބަޔަކު ހޯދުމަށް މިނިސްޓްރީ އޮފް ޓޫރިޒަމް އެންޑް އެންވަޔަރަންމަންޓުން އިއުލާނުކޮށްފިއެވެ.
ޓޫރިޒަމް މިނިސްޓްރީން ގެޒެތްކުރި އިއުލާނުގައި ވާގޮތުން ނިލަންދޫގައި ތަރައްޤީކުރުމަށް ނިންމާފައިވަނީ، މަދުވގެން 50 އެނދުގެ ހޮޓަލެކެވެ. ނިލަންދޫގައި ހޮޓާ ތަރައްޤީކުރުމަށް 13,300 (ތޭރަހާސް ތިންސަތޭކަ) އަކަފޫޓުގެ ބިމެއް ކަނޑައަޅާފައިވާއިރު، ބިޑް ހުށަހެޅުމުގެ އެންމެ ފަހު ތާރީހަކީ އަންނަ އޭޕްރިލްމަހުގެ އެއްވަނަ ދުވަހެވެ.
ހޮޓާ ތަރައްޤީކުރުމަށް ބިން ދިނުމަށް ނިންމާފައިވަނީ އެއްބަސްވުމުގައި ސޮއިކުރާ ތާރީހުން ފެށިގެން 50 އަހަރަށެވެ. އެއްބަސްވުމުގައި ސޮއިކުރާ ތާރީހުން ފެށިގެން އެއް އަހަރުދުވަހުގެ ނެރޭގައި ހޮތަލުގެ އަމަލީ މަސައްކަތް ފަށަންޖެހެެވެ.
އެއްބަސްވުމުގައި ވާގޮތުން ހޮޓާ ތަރައްޤީކުރުމަށް ދޭ ބިން ދޫކުރުމަށް ނިންމާފައިވަނީ އަހަރަކަށް 53،200 ޑޮލަރަށެވެ. މަޝްރޫޢުގެ ދަށުން އިޖުތިމާއީ ކަންކަމަށް 20000 ޑޮލަރު ހޭދަކުރަންޖެހެއެވެެ.
ނިލންދޫގައި އެއާޕޯޓެއް ތަރައްޤީކުރުމަށް ނިންމާފައިވާއިރު، އެއާޕޯޓް އަޅަން ހަމަޖެއްސި ސަރަހައްދު ވަނީ ހިއްކައި ނިންމާލާފައެވެ.
Advertisement
This content is created and paid for by advertisers and does not involve Voice Journalists
