ރ. އަތޮޅު އުނގޫފާރާއި ދުވާފަރާ ދެމެދު އާރްޓީއެލްގެ ސީދާ ދަތުރުތައް ފެށުމަށް އައު ފެރީއެއް އިތުރުކޮށްފިއެވެ.
އެމްޓީސީން މައުލޫމާތުދޭގޮތުގައި ދިވެހިރާއްޖެ ހައި ސްޕީޑް ފެރީ ވިއުގައިން ގުޅާލުމަށް ފަރުމާކޮށްފައިވާ "އިންޓަރގްރޭޓެޑް ނޭޝަނަލް ޕަބްލިކް ފެރީ ނެޓްވޯރކް" މަޝްރޫޢުގެ ދެވަނަ ފިޔަވަހީގެ ދަށުން ޒޯން 2ގެ ރ.އަތޮޅުގައި އިތުރު ރޫޓެއް ފެށުމަށް މިހާރު މިވަނީ ނިންމާފައެވެ.
މި އައު ރޫޓުގެ ސަބަބުން ރ. އުނގޫފާރާއި ރ. ދުވާފަރާއި ދެމެދު ކުރާ ދަތުރުތައް އިތުރުވާނެކަމަށާއި، މިއީ ޑިމާންޑާ އެއްވަރަށް ޚިދުމަތް ދިނުމަށް ގެންނަ ބަދަލެއްކަމަށް އެކުންފުނިން ބުނެއެވެ.
މި ޚިދުމަތް ފެށުމަށް ހަމަޖެހިފައިވަނީ މާދަމާއިން ފެށިގެންނެވެ. މި ރޫޓުގެ ދަތުރުތައް ހުކުރު ދުވަސް ފިޔަވާ ހަފްތާއަކު 6 ދުވަހު ކުރުމަށް ވަނީ ހަމަޖެހިފައެވެ.
މި ހިދުމަތުގައި ބޭނުންކުރާނީ 25 ފަސިންޖަރުންގެ ޖާގައިގެ ފެރީއެކެވެ. އަދި މިފެރީގެ 2 ސީޓު އެންސްޕާގައި ރަޖިސްޓްރީ ވެފައިވާ ޚާއްޞަ އެހީއަށް ބޭނުންވާ މީހުންނަށް ޚާއްސަކޮށްފައިވެއެވެ.
ރ. އުނގޫފާރަކީ އެ އަތޮޅުގައި ވެރިކަން ކުރާ ރަށަށް ވުމާއެކު، އެކިކަހަލަ ޚިދުމަތްތައް ހޯދުމަށް، ވަކިން ހާއްސަކޮށް ސިއްޙީ ޚިދުމަތްތަށް ހޯދުމަށްް އެތައްބަޔަކު އެރަށަށް ދަތުރުކުރެއެވެ. ދުވާފަރަކީ 3000 އަށް ވުރެ މަތި އާބާދީއަކާއިއެކު ރ އަތޮޅުގައި އެންމެ މީހުން ގިނަ ރަށަށް ވުމުން، މި ދަތުރުފަތުރަށް އެރަށުގައި އޮންނަ ޑިމާންޑުވެސް ބޮޑެވެ.
Advertisement
This content is created and paid for by advertisers and does not involve Voice Journalists
