ކުރީ އަހަރެކޭ އެއްގޮތަށް މިފަހަރުގެ ރަމަޟާންމަހުވެސް އެހީ ޖަމިއްޔާއިން އިފްތާރުޕެކް ތައްޔާރުކޮށްދިނުމުގެ ކަންކަން ކުރިއަށްގެންދާނޭކަމަށް އެ ޖަމިއްޔާއިން ބުނެފިއެވެ.
އެހީގެ ޖަމިއްޔާއިން ހިންގަމުން އަންނަ "އެހީ އިފްތާރު" ޕްރޮޖެކްޓަކީ މިސްކިތްތަކާއި، ދަތިހާލުގައި ދިރިއުޅޭ އާއިލާތަކަށް އެހީވުމަށް ކުރިއަށްގެންދާ ޕްރޮޖެކްޓެކެވެ. އެހީ އިފްތާރު ކުރިއަށްގެންދާތާ 10 އަހަރު ވެފައިވާއިރު، އެހީ ޖަމިއްޔާއިން ބުނީ މިފަހަރުގެ އިފްތާރު ޕެކް ތައްޔާރުކޮށްދިނުމަށް އެހީވުމުގެ ފުރުސަތު ހުރިހާ ފަރާތްތަކަށްވެސް އެބައޮތްކަމަށެވެ.
އެހީ ޖަމިއްޔާއިން މިސްކިތެއްގައި އިންތިޒާމްކުރި ރޯދަ ވީއްލުމެއް... ފޮޓޯ: އެހީ
އިފްތާރުޕެކް ތައްޔާރުކުރުމަށް އެޖަމިއްޔާއިން ކަނޑައަޅާފައިވަނީ މިފަހަރު ޕެކަކަށް 55 ރުފިޔާއެވެ.
މިފަހަރުގެ އެހީ އިފްތާރުގައި ފައިސާގެ އިތުރުން ތަކެތިވެސް ހަދިޔާކުރުމުގެ ފުރުސަތުވެސް ވަނީ ހުޅުވާލާފައެވެ.
އެހީ ޖަމިއްޔާއިން އިންތިޒާމްކުރި ރޯދަ ވީއްލުމެއް... ފޮޓޯ: އެހީ
އެހީ ޖަމިއްޔާއިން ބުނީ މިފަދަ އިތުރު ހަރަކާތްތައް މެދުނުކެނޑި ކުރިއަށް ގެންދިއުމަށްޓަކައި ލިބިގެންދާ ފައިސާގެ %12.5 ހަރަކާތް ރާވާ ހިންގުމުގެ ޚަރަދުތަކަށް ބޭނުންކުރުމަށް ނިންމާފައިވާ ކަމަށެވެ.
Advertisement
This content is created and paid for by advertisers and does not involve Voice Journalists
