ޤައުމުގެ ކަންކަން ކުރިއަށް ގެންދިއުމުގެ ވާހަކަ އެމްޑީޕީން ދައްކަމުންދާއިރު، ޤައުމީ ކަންކަމުގައިވެސް އެޕާޓީގެ ލީޑަރޝިޕުން މިހާތަނަށް އިސްކުރީ އަމިއްލަ މަސްލަހަތުކަމަށް ނައިބުރައީސް ހުސައިން މުހައްމަދު ލަތީފް ވިދާޅުވެއްޖެއެވެ.
ކުރިއަށްއޮތް ލޯކަލް ކައުންސިލް އަދި އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ އިންތިހާބަށް ތައްޔާރުވުމުގެ ގޮތުން މާފަންނު ކެމްޕެއިން ފެށުމަށް ބޭއްވި ޖަލްސާގައި ނައިބުރައީސް ވަނީ އިދިކޮޅު އެމްޑީޕީއަށް ވަރަށްބޮޑަށް ފާޑުވިދާޅުވެ ވާހަކަދައްކަވާފައެވެ. ރައްޔިތުންގެ ހައްގުތައް ނެގެހެއްޓުމަށް އެއިރެއްގައި އޮންނަ ސަރުކާރު ޒިންމާދާރުކުރުވުމަކީ ޑިމޮކްރަސީގެ ވަރަށް މުހިންމު އަސާސެއްކަން ފާހަގަކުރައްވަމުން ނައިބުރައީސް ހުސައިން މުހައްމަދު ލަތީފް ވަނީ އެމަގުން އިދިކޮޅު އެމްޑީޕީއަށް މަސައްކަތްތައް ކުރެވޭތޯ ސުވާލު އުފައްދަވާފައެވެ.
އިދިކޮޅު ޕާޓީއަށް ނިސްބަތްވާ މެމްބަރުންގެ ހައިސިއްޔަތުން މަޖިލީހުގެ ތެރެއިން އިދިކޮޅު އެމްޓީޕީއަށް އުފެއްދުންތެރި މަސައްކަތްތަކެއް ކުރެވިފައި ނުވާކަން ފާހަގަކުރައްވަމުން ނައިބުރައީސް ވިދާޅުވީ، ސިޔާސީގޮތުން ބާރުވެރިކަން ލިބިފައި އޮތް ދުވަހުވެސް އެމްޑީޕީން މަސައްކަތްކުރީ އެބޭފުޅުންގެ އަމިއްލަ މަސްލަހަތުގައި ކަމަށެވެ. އެގޮތުން ރައީސް ޑރ.މުހައްމަދު މުއިއްޒު ވެރިކަމަށް ވަޑައިގެންނެވި ދުަވސްވަރު ރައްޔިތުންގެ މަޖިލީހުގެ ތެރެއިން އެމްޑީޕީގެ ސުޕަ މެޖޯރިޓީ ލިބިފައި އޮތް ދުވަސްވަރު ކަންކަން ކުރެއްވީ ވަރަށް ޒިންމާދާރުކަން ކުޑަގޮތަށްކަން ނައިބުރައީސް ފާހަގަކުރެއްވިއެވެ.
ގާނޫނީ ބޮޑެތި ނިންމުންތަކެއް ނިންމަން ރައްޔިތުންގެ މަޖިލީހަށް އިހުތިޔާރު ލިބިގެންވާ މުއްދަތެއް ނޫން އެ ހަމަސް ދުވަހަކީ. އެއީ އާ ސަރުކާރަކަށް ރައްޔިތުން އިޖާބަދީ، ރައްޔިތުންގެ ލޯތްބާއި އިހުތިރާމް ބޮޑުތަނުން ލިބުމާ އެކީގައި ރައީސުލްޖުމްހޫރިއްޔާ މަސައްކަތްޕުޅު ތަރުތީބު ކުރައްވަން ފެއްޓެވުމާ އެކީގައި އެމްޑީޕީ ސިޔާސީ ގޮތުން ވާދަވެރި ޕާޓީއެއްގެ ގޮތުގައި ތިބެގެން ރައްޔިތުންގެ މަޖިލީހުން ފެއްޓެވި މަސައްކަތްޕުޅަކީ އެމަނިކުފާނުގެ ނޯކޮންފިޑެންސް ވޯޓު ރައްޔިތުން މަޖިލިސް ތެރެއިން ގާނޫނާ ހިލާފަށް ނަގަން މަސައްކަތްޕުޅު ފެއްޓެވުން
ނައިބު ރައީސް ހުސައިން މުހައްމަދު ލަތީފް
ނައިބުރައީސް ވިދާޅުވީ އެމްޑީޕީގެ ލީޑަރޝިޕުން ލާމަރުކަޒީ ނިޒާމުގެ ވާހަކަ މިއަދު ދައްކަމުން އެދަނީ އެއްވެސްކަހަލަ ހަމަޖެހޭ އަސާސްތަކެއްގެ މައްޗަށް ބުނާކޮށް ނޫންކަމަށާއި، އެޕާޓީގެ ލީޑަރޝިޕްގެ ފަރާތުން މިހާތަނަށް ފެނިފައިވަނީ ޤައުމީ ކަންކަމުގައިވެސް އަމިއްލަ މަސްލަހަތަށް އިސްކަންދިންތަން ކަމަށް ނައިބު ފާހަގަކުރެއްވިއެވެ. އެގޮތުން އެމްޑީޕީން މިހާތަނަށް ތަންފީޒު ކޮށްފައިވާ ކަންތައްތަކަކީވެސް އަމިއްލަ މަސްލަހަތު ހިމެނޭ ކަންކަން ކަމަށް ނައިބު ފާހަގަކުރެއްވިއެވެ.
އެގޮތުން ޤައުމުގެ ކަންކަން ހަމަޖެއްސުމަށް ފައިސާ ހޯދުމަށް ފައިސާ ޗާޕްކުރުންފަދަ ކަންކަން ކޮށްފައިވަނީ، މާލީ އިދާރާތަކުން އަދި އޭރު މަޖިލީހުގެ ތެރެއިން އިދިކޮޅު މެމްބަރުންގެ އެކަން ނުކުރުމަށް ގޮވާލަމުންދަނިކޮށްކަން ނައިބުރައީސްގެ ވާހަކަފުޅުގައި ފާހަގަކުރެއްވިއެވެ.
ނައިބުރައީސް ވިދާޅުވީ، ދިވެހިރާއްޖޭގެ ތަރައްޤީ ކުރަން ހުރި މަސައްކަތްތައް މި ސަރުކާރުން ބާރު ސްޕީޑްގައި ކުރަމުންގެންދާ ކަމަށެވެ. އެގޮތުން ޤައުމު ބިނާކުރުމުގެ މަސައްކަތްތަކަކީ އަދުގެ ރައީސުލްޖުމްހޫރިއްޔާ އެންމެ އިސްކަން ދެއްވާ އެއްކަންތައް ކަމަށްވެސް ނައިބުރައީސް ވަނީ ވިދާޅުވެފައެވެ.
Advertisement
This content is created and paid for by advertisers and does not involve Voice Journalists
