ފަލަކީ ހިސާބު ދައްކާ ގޮތުން މި އަހަރުގެ ރަމަޟާން މަހުގެ ފުރަތަމަ ދުވަހަކީ މާދަމާ ކަމަށް ފަލަކީ ޢިލްމުވެރިޔާ އަދި ކުރީގެ ރައީސް މައުމޫން އަބްދުލްގައްޔޫމް ވިދާޅުވެއްޖެ އެވެ.
އެމަނިކުފާނު މިހެން ވިދާޅުވީ އެކްސްގައި ކުރެއްވި ޕޯސްޓެއްގަ އެވެ. ރައީސް މައުމޫނަކީ ފަލަކީ އިލްމަށް ވަރަށް ބޮޑަށް ލޯބިކުރައްވާ އެ ޢިލްމުގެ ބޭފުޅެކެވެ. ކޮންމެ އަހަރަކުވެސް ހަނދާއި ބެހޭ ގޮތުން އެކި މައުލޫމާތުތައް ހިއްސާ ކުރައްވަ އެވެ.
ރައީސް މައުމޫން ވިދާޅުވި ގޮތުގައި ފަލަކީ ހިސާބު ދައްކާ ގޮތުން މާދަމާ ރޯދަ މަސް ފެށޭނެ އެވެ. އެހެން ކަމުން ރޯދަ މަހުގެ ތަހުނިޔާ އެންމެހާ މުސްލިމުންނަށް އެމަނިކުފާނު ވަނީ ފޮނުއްވާފަ އެވެ.
ކަލަންޑަރު ބުނާ ގޮތުން ވެސް ރަމަޟާން މަހުގެ ފުރަތަމަ ދުވަހަކީ މާދަމާ އެވެ. ހަނދު ބެލުމާއި ހަނދާއި ބެހޭ ބަޔާން އިއްވުން މިރޭ އޮންނާނެ އެވެ.
Advertisement
This content is created and paid for by advertisers and does not involve Voice Journalists
