މި ރޯދަމަހުވެސް ރާއްޖޭގެ އެކި ކަންކޮޅުތަކުގައި ނިކަމެތި ހާލުގައި ދިރިއުޅެމުންދާ އާއިލާތަކަށް އެހީތެރިކަން ފޯރުކޮށްދިނުމުގެ ފުރުސަތު އެހީ  އެހީ ޖަމިއްޔާއިން ހުޅުވާލައިފިއެވެ.

އެގޮތުން އެހީ ޖަމިއްޔާއިން ބުނީ، އެ ޖަމިއްޔާގެ "އެހީ ވާނަން" ކެމްޕޭނުގެ ދަށުން އެހީތެރިކަން ފޯރުކޮށްދިނުމަށް ދަތި ހާލުގައި ދިރިއުޅޭ އެތައް އާއިލާއެއްގެ މަޢުލޫމާތާއި، އެ ފަރާތްތަކުން އުފުލަމުންދާ ތަކްލީފުތަކުގެ ވާހަކަ ހޯދާފައިވާ ކަމަށެވެ.

އަދި އެ އާއިލާތައް އެ ހާލަތުން އަރައިގަންނާނެ ގޮތްތައް ބަލައި، އެކަމަށް ބޭނުންވާ މަސައްކަތްތައްވެސް އެ ޖަމިއްޔާއިން މިހާރު ކުރަމުންދާ ކަމަށް ބުންޏެވެ. 

މިއާއެކު މި ބަރަކާތްތެރި ރަމަޟާން މަހަކީ އެހެން މީހުންނަށް އެހީތެރިވުމުގެ މާތް ރޫޙު އާލާކުރަންޖެހޭ މަހެއްކަން ފާހަގަކުރަމުން، އެހީ ޖަމިއްޔާއިން ވަނީ މިފަދަ އާއިލާއަކަށް އެހީތެރިވުމުގައި، ޢަމަލީ ގޮތުން ބައިވެރިވުމުގެ ފުރުސަތު ހުޅުވިފައިވާ ކަމަށް ބުނެފައެވެ. 

އެގޮތުން އެހީވާން ބޭނުންވާ ފަރާތްތަކުން އަންނަނިވި އެކައުންޓަށް ފައިސާ ޖަމާކުރުމަށް އެ ޖަމިއްޔާއިން އެދެއެވެ. 

އެކައުންޓް ނަންބަރު : 7770000014819

އެކަައުންޓް ނަން: އެހީ ޖަމިއްޔާ

"އެހީ ވާނަން" ކެމްޕޭނަކީ ހާލުގައި އުޅޭ އާއިލާތަކަށް އެކި ފަންތީގެ ދާއިމީ އެހީތެރިކަން ފޯރުކޮށްދިނުމަށް މެދުނުކެނޑި ކުރިއަށް ގެންދާ ޕްރޮގްރާމެކެވެ.

މި ކެމްޕޭނާ ގުޅޭ އިތުރު މަޢުލޫމާތު 7803433 ނަންބަރަށް ގުޅުމުން ލިބޭނެ ކަމަށް  އެ ޖަމިއްޔާއިން ބުނެއެވެ.

އެހީ ޖަމިއްޔާއިން ބުނީ، މިފަދަ އިންސާނީ އެހީތެރިކަމުގެ ހަރަކާތްތައް މެދުނުކެނޑި ކުރިއަށް ގެންދިއުމަށްޓަކައި، ލިބޭ ފައިސާގެ %12.5 ބޭނުންކުރެވޭނީ ހަރަކާތްތައް ރާވާ ހިންގުމުގެ އިދާރީ ޚަރަދުތަކަށް ކަމަށެވެ.