މިދިޔަ އަހަރުގެ ފަހު 6 މަސްދުވަހުގެ ތެރޭގައި ހިއުމަން ރައިޓްސް ކޮމިޝަން އޮފް ދަ މޯލްޑިވްސްއަށް 426 މައްސަލަ ރަޖިސްޓްރީކޮށްފައިވާ ކަމަށް އެ ކޮމިޝަނުން ބުނެފިއެވެ.
އެޗްއާރުސީއެމުން އާއްމުކޮށްފައިވާ ތަފާސްހިސާބުތަކަށް ބަލާއިރު، މިދިޔަ އަހަރުގެ ފަހު ހަމަސްދުވަހު ހުށަހެޅި މައްސަލަތަކުގެ ތެރެއިން 196 މައްސަލަ ތަހްގީގް ކުރުމަށް ނިންމިއިރު، ޕްރޮސެކިއުޓަރ ޖެނެރަލްގެ އޮފީހަށް ފޮނުވާފައިހުރި މައްސަލަތަކާއެކު، 306 މައްސަލައެއް ވަނީ ނިމިފައެވެ.
އެޗްއާރުސީއެމުން 306 މައްސަލައެއް ބަލަމުންދާއިރު، މި މުއްދަތުގެ ތެރޭގައި ޕީޖީއަށް ވަނީ 1 މައްސަލަ ފޮނުވާފައެވެ. އެޗްއާރުސީއެމުން ބުނީ އެންޓި ޓޯޗާ ޤާނޫނުގެ ދަށުން މިދިޔަ އަހަރުގެ ފަހު ހަމަސްދުވަހުގެ ތެރޭގައި، އިންސާނީ ހައްޤުތަކާ ގުޅޭ 176 މައްސަލައެއް ބެލުމަށް ނިންމިއިރު، ވިސްލްބްލޯވާ ޕްރޮޓެކްޝަން ޔުނިޓަށް 43 މައްސަލައެއް ހުށަހެޅި، އެހެން އިދާރާތަކަށް 20 މައްސަލައެއް ފޮނުވާކަމަށެވެ. އަދި 8 މައްސަލައެއް ވަނީ ނިމިފައެވެ.
އެޗްއާރުސީއެމުން ނެރެފައިވާ ވިސްލްބްލޯވާ ޔުނިޓްގެ މިދިޔަ އަހަރުގެ އަހަރީ ރިޕޯޓަށް ބަލާއިރު، އެ އަހަރުގެ ތެރޭގައި ޖުމްލަ 57 މައްސަލައެއް ހުށަހެޅުނުއިރު، 39 މައްސަލައެއް ވަނީ ބަލާ ނިންމާފައެވެ. ތަފާސް ހިސާބުތަކަށް ބަލާއިރު މީގެ ތެރެއިން އެންމެގިނަ މައްސަލަތައް ހުށަހަޅާފައިވަނީ، އައިލެންޑް އޭވިއޭޝަނުންނާއި، މޯލްޑިވްސް ކަރެކްޝަނަލް ސާވިސްގެ އިތުރުން ރައްޔިތުން މަޖލީހުގެ އިދާރާއިންނެވެ.
Advertisement
This content is created and paid for by advertisers and does not involve Voice Journalists
