އިޓަލީގެ ޔުވެންޓަސްގެ މައްޗަށް ކުރި ހޯދުމަށްފަހު ޔުއެފާ ޗެމްޕިއަންސްލީގް ގަދަ 16 ގެ ޖާގައެއް ތުރުކިއޭގެ ގަލަތަސަރާއީ ހޯދައިފިއެވެ.

ޗެމްޕިއަންސްލީގް ނޮކްއައުޓް ސްޓޭޖް ޕްލޭ އޯފްގައި ރޭ ޔުވެންޓަސް އާއި ގަލަތަސަރާއީ ބައްދަލުކުރިމެޗް 3-2 ގެ ނަތީޖާއަކުން ޔުވެންޓަސް ކާމިޔާބުކުރި ނަމަވެސް، ގަދަ ސޯޅައިގެ ޖާގައެއް ގަލަތަސަރާއީ ހޯދީ ދެމެޗުގެ އެގްރިގޭޓް ނަތީޖާއަށް ބަލައި ކުރި ހޯދައިގެންނެވެ. 

ފުރަތަމަ ލެގްގައި މި ދެޓީމް ތުރުކީގައި ކުޅުނުމެޗް 5-2 ގެ ނަތީޖާއަކުން ކާމިޔާބުކުރީ ގަލަތަސަރާއީއެވެ. ދެމެޗްގެ ނަތީޖާއަށް ބަލައި އެޓީމަށް އަނެއް ބުރުގެ ޖާގަ ކަށަވަރުވީ 7-5 ގެ ނަތީޖާއިންނެވެ.

ގިނަ އަދަދެއްގެ ރީނދޫ ކާޑްތަކަކާއި އަދި ރަތްކާޑެއް ފެނިގެންދިޔަ މިމެޗްގައި ފެނިގެންދިޔަ ފުރަތަމަ ތިން ލަނޑުވެސް ޖަހާފައިވަނީ، ޔުވެންޓަސް އެވެ. އެއީ މެނިއެލް ލޮކަޓެލީ، ވެސްޓަން މެކެނީ، އަދި ފެޑެރިކޯ ކާމިޔާބުކޮށްދިން ލަނޑުތަކުންނެވެ. މެޗްގައި ގަލަތަސަރާއީގެ ލަނޑުތައް ފެނިގެން ގޮސްފައިވަނީ، އިތުރުވަގުތުގެ ކުޅުމުގެ ތެރޭގައެވެ. ފުރަތަމަ ލަނޑު ކާމިޔާބުކޮށްދިނީ، ވިކްޓަރ އޮސިމޭން އެވެ. އަދި ދެވަނަ ލަނޑު ކާމިޔާބުކޮށްދިނީ ބަރިސް ޔިލްމާޒް އެވެ.

ޗެމްޕިއަންސްލީގް ގަދަ 16 ގައި ގަލަތަސަރާއީ ބައްދަލުކުރާނީ އިނގިރޭސިވިލާތުގެ ލިވަޕޫލް ނުވަތަ ސްޕާސް އާ ދެކޮޅަށެވެ.