ޚާމަނާއީ އަވަހާރަކޮށްލާފައިވާ ކަމަށް ޓްރަމްޕް އިއުލާނު ކޮށްފި
އީރާނުގެ ރޫހާނީ ލީޑަރު އާޔަތުﷲ އަލީ ޚާމަނާއީ އަވަހާރަކޮށްލާފައިވާ ކަމަށް އެެމެރިކާގެ ރައީސް ޑޮނަލްޑް ޓްރަމްޕް އިއުލާނު ކޮށްފި އެވެ.
ޓްރަމްޕް ވަނީ އެކަން އޭނާގެ ސޯޝަލް މީޑިއާ ޕްލެޓްފޯމްގައި ގައި އާންމުކުރި ސްޓޭޓްމަންޓެއްގައި އިއުލާނުކޮށްފަ އެވެ. އެ ސްޓޭޓްމަންޓް ގައި ހާމަނާއީ އަވަހާރަކޮށްލެވުމަކީ ލިބުނު ކާމިޔާބީއެއް ކަމަށް ބުނެފައިވެ އެވެ. އަދި އެއީ އީރާންގެ ރައްޔިތުންނަށް ލިބުނު ނަސްރެއް ކަމަށް ވެސް ބުނެފައިވެ އެވެ.
ޓްރަމްޕްގެ އިތުރުން އޭނާގެ މަދަދުގާރު އިޒްރޭލްގެ ބޮޑުވަޒީރު ނަތަންޔާހޫ ވެސް ވަނީ ހާމަނާއީ އަވަހާރަކޮށްލާފައިވާ ކަމަށް ބުނެފަ އެވެ.
އިޒްރޭލްގެ މީޑިއާތަކުން ބުނާ ގޮތުން ހާމަނާއީ އަވަހާރަކޮށްލީ އެމަނިކުފާނުގެ ގަނޑުވަރުކޮޅަށް މިއަދު ދިން ހަމަލާތަކުގަ އެވެ. ނަމަވެސް އީރާންގެ މީޑިއާތަކުން ބުނާ ގޮތުގައި ހަމަލާދިން ވަގުތު ހާމަނާއީ ގަނޑުވަރުކޮޅުގައި ވަޑައިގެންނެތެވެ.
ހާމަނާއީގެ ހަށިކޮޅުގެ ފޮޓޯތަކެއް ޓްރަމްޕާއި ނަތަންޔާހޫއަށް ލިބިފައިވާ ކަމަށާ ހާމަނާއީ އަވަހާރަކޮށްލެވިއްޖެކަމަށް އިއުލާނުކުރީ އޭގެ ފަހުން ކަމަށް ވެސް އިޒްރޭލްގެ މީޑިއާތަކުން ބުނެ އެވެ.
ނަމަވެސް އީރާންގެ މީޑިއާތަކުން މިރޭ ވެސް ވަނީ ހާމަނާއީ އަވަހާރަކޮށްލަން ދިން ހަމަލާ ނާކާމިޔާބުވެފައިވާ ކަމަށް ބުނެފަ އެވެ. އަދި ހާމަނާއީ ސަލާމަތުން ހުންނެވި ކަމަށާ އިރާންގެ ހުރިހާ ހަމަލާތަކެއް ރޭވެމުން ދަނީ ހާމަނާއީ ފުރިހަމަ އިރުޝާދުގެ ދަށުން ކަމަށް ހާމަކޮށްފައިވެ އެވެ.
Advertisement
This content is created and paid for by advertisers and does not involve Voice Journalists
