ރޯޑް ޑިވެލޮޕްމަންޓް ކޯޕަރޭޝަން (އާރްޑީސީ) އިން ތިން ރަށެއްގައި ކުރިއަށް ގެންދިއުމަށް ހަމަޖެހިފައިވާ މަޝްރޫޢުތަކަށް މީހުން ހޯދުމަށް އިއުލާނުކޮށްފިއެވެ.
އާރުޑީސީން ވަނީ ކ.ތުލުސްދޫ، ހއ.މާރަންދޫ އަދި ލ.މާމެންދޫގައި ގާއިމްކޮށްފައިވާ އާރުޑީސީގެ ސައިޓަށް މުއައްޒަފުން ހޯދުމަށް އިއުލާނުކޮށްފައެވެ. އެގޮތުން އާރުޑީސީން ތުލުސްދޫ ސައިޓަށް އެކަނިވެސް 17 ދާއިރާއަކުން ގިނަ އަދަދެއްގެ މުއައްޒަފުން ބޭނުންވެއެވެ. މީގެ ތެރޭގައި ސައިޓް މެނޭޖަރުންނާއި، އެސިސްޓަންޓް ސައިޓް މެނޭޖަރުން، ސުޕަވައިޒަރުން، މެނޭޖްމަންޓ ލެވެލްގެ އިތުރުން ސައިޓްތަކުގައި އަމަލީގޮތުން މަސައްކަތްކުރާނެ މަގާމުތައް ހިމެނެއެވެ.
އާރުޑިސީން ގެންދަނީ، އަތޮޅުތެރޭގެ ވަރަށް ގިނަ ރަށްތަކެއްގައި އުމްރާނީ މަސައްކަތްތައް ފެށުމަށް ތައްޔާރުވަމުންނެވެ. މީގެ ތެރޭގައި މަގުތައް ތަރައްޤީކުރުމުގެ މަސައްކަތާއި ކުޅިވަރު ދަނޑުތަކާއި އެނޫންވެސް މަޝްރޫޢުތައް ހިމެނެއެވެ.
Advertisement
This content is created and paid for by advertisers and does not involve Voice Journalists
