ދިވެހި ރައްޔިތުންގެ ޕާޓީ، އެމްޑީޕީގެ ކުލަ ގެއްލޭވަރަށް މިއަދު އެ ޕާޓީ ފަނޑުވެފައިވާކަމަށް ކޮންގްރެސް ޕާޓީގެ ޕީޖީ ލީޑަރު އިބްރާހިމް ފަލާހް ވިދާޅުވެއްޖެއެވެ.
ކޮންގްރެސް ޕާޓީގެ ފަރާތުން ބޭއްވި ހޯރަފުށި ދާއިރާ ތަރާވީހުގައި ވާހަކަދައްކަވަމުން އިނގުރައިދޫ ދާއިރާގެ މެމްބަރު ފަލާހް ވިދާޅުވީ، އެމްޑީޕީއަކީ ރާއްޖޭގައި މިހާހިސާބަށް އޮތް އެންމެބޮޑު އިދިކޮޅު ޕާޓީ ނަމަވެސް ރީނދޫ ކުލަ ގެއްލޭވަރަށް ޕާޓީ ފަނޑުވެފައިވާކަމަށެވެ. ފަލާހް ވިދާޅުވީ، ރައްޔިތުންގެ މަޖިލީހުގައިވެސް އެމްޑީޕީގެ މެމްބަރުން ތަމްސީލުކުރަނީ، ރީނދޫ ކުލައިހގެ ބަދަލުގައި ރަތްކުލަ ކަމަށެވެ.
ފަލާހް ވިދާޅުވީ އެމްޑީޕީ ފާހަގަކުރެވެނީ ރާއްޖެ ތަރައްޤީއަށް ކުރާ އުމްރާނީ މަސައްކަތްތަކަށް ހުރަސްއަޅައި، އިގްތިސާދީ ކުރިއެރުމަށްވެސް ހުަރަސްއަޅައި، އަދި ރާއްޖޭގެ ސަގާފަތާއިދުރު ބައެއްގެ ގޮތުގައި ކަމަށެވެ.
ކޮންގްރެސް ޕާޓީގެ ފަރާތުން ބޭއްވި ހޯރަފުށި ދާއިރާ ތަރާވީސް... ފޮޓޯ: ޕީއެންސީ
ރައްޔިތުން މަޖިލީހުގައި އެމްޑީޕީގެ ސުޕަ މެޖޯރިޓީ އޮތްއިރު މަންފާ ކުރަނިވިގޮތަކަށް ޤާނޫނުތައް ހަދަން ފުރުސަތު ލިބިގެންދިޔައިރުވެސް، އެކަންކަން ވިޔާދާގޮތަށް ކުރެވިފައި ނެތްކަން ފަލާހްގެ ވާހަކަފުޅުގައި ފާހަގަކުރެއްވިއެވެ.'
2024 ވަނަ އަހަރުގެ ރައްޔިތުންގެ މަޖިލީހުގެ އިންތިހާބާ ދިމާކޮށް އެބޭފުޅުން ހީކުރީ ރައްޔިތުންގެ މަޖިލީހުގަ ހޮވޭނީ ގިނައިން އެމް.ޑީ.ޕީ މެންބަރުން ކަމަށް. ޕާޓީ ބަދަލުކޮށްފާނެ ކަމަށް ގަބޫލުކޮށްފަ އޭރުގެ 19 ވަނަ މަޖިލީސް ނިމިނިމި އޮއްވާ އެންޓި ޑިފެކްޝަން ގާނޫނު އަނެއްކާ ފާސްކުރި. ފާސްކޮށްފަ އޮތީ ކިހިނެއްތޯ؟ މޮހަނަށް އޮޑިދޭ އުސޫލުން، އޭކުން ނޭނގެ ވާނުވާއެއް ގޮނޑި ގެއްލޭ ކަމެއްވެސް ނޭނގެ ޕާޓީ ބަދަލުކުރީމަ ނުގެއްލޭ ކަމެއްވެސް ނޭނގެ
އިބްރާހިމް ފަލާހް
ރޭވެސް ފަލާހް ވަނީ އެއްދުވަހެއްގައި ދެ އިްނތިހާބުގެ ވޯޓުލުން ބޭއްވުމުގފެ މުހިންމުކަމާ ގުޅޭގޮތުން ވާހަކަ ދައްކަވާފައެވެ. އެގޮތުން އެއްދުވަހެއްގައި ރައްޔިތުންގެ މަޖިލީހުގެ އިންތިޚާބާއި ރިޔާސީ އިންތިޚާބު ބާއްވަން ޕީއެންސީން ކުރާ މަސައްކަތަކީ ހަޤީޤަތުގައިވެސް މި ޤައުމަށް ވަރަށް ފައިދާހުރި މަސައްކަތެއް ކަމަށެވެ.
ކޮންގްރެސް ޕާޓީގެ ފަރާތުން ބޭއްވި ހޯރަފުށި ދާއިރާ ތަރާވީސް... ފޮޓޯ: ޕީއެންސީ
އެންމެ މުހިންމު ކަމެއްގެ ގޮތުގައި ފަލާހް ފާހަގަކުރެއްވީ، ދެ އިންތިޚާބު އެއްދުވަހެއްގައި އޮވެއްޖެނަމަ އޭރެއްގައި ހުންނަ ރައީސުލްޖުމްހޫރިއްޔާއަށް ރައްޔިތުންގެ މަޖިލީހުގެ އިންތިޚާބަށް ނުފޫޒު ފޯރުވުމާއި އެކަންކަމަށް ވަރަށް ބޮޑަށް ވަގުތު ނުދެވުމެވެ.
"ދެ އިންތިޚާބު އެއް ދުވަހަކު ބާއްވައިފި ކަމަށްވަންޏާމު ރައީސުލްޖުމްހޫރިއްޔާ އުޅުއްވާނީ ރައީސުލްޖުމްހޫރިއްޔާގެ އިންތިޚާބުގެ މަސައްކަތްތަކުގައި. އަދި ރައްޔިތުންގެ މަޖިލީހުގެ މެންބަރުންގެ ގިނަ ފަހަރު އުޅުއްވޭނީ އެ ބޭފުޅުންގެ އަމިއްލަ ކަމެއްވީމަ، އެ ބޭފުޅުންގެ އިންތިޚާބީ މަސައްކަތުގައި، އެހެންވީމަ ވަރަށް ބޮޑަށް އަސްލު ހަމަޖެހިގެން ވަރަށް ބޮޑަށް ރައްޔިތުންނަށް ފައިދާހުރި ގޮތަކަށް މިކަން މިގެންދަނީ" ފަލާހް ވިދާޅުވިއެވެ.
Advertisement
This content is created and paid for by advertisers and does not involve Voice Journalists
