ހއ. އުލިގަމުގައި ޒަމާނީ ޔޮޓް މެރީނާ ތަރައްގީ ކުރުމަށް ހަވާލުކޮށްފި އެވެ.
މޯލްޑިވްސް ޕޯޓްސް ލިމިޓެޑުން ބުނީ އުލިގަމުގައި ޒަމާނީ ޔޮޓް މެރީނާ ތަރައްގީ ކުރަން ސާސްއީ ކޮންސްޓްރަކްޝަން ޕްރައިވެޓް ލިމިޓަޑްއާ ހަވާލުކޮށް، އެއްބަސްވުމުގައި ސޮއިކޮށްފައިވާ ކަމަށެވެ.
މި މަޝްރޫއުގެ ފުރަތަމަ ފިޔަވަހީގެ ދަށުން 18 ޔޮޓަށް އެއް ފަހަރާ ބަނދަރު ކުރެވޭނެ މެރީނާ އެއް ތަރައްްގީ ކުރުމަށް ހަމަޖެހިފައިވާ ކަމަށް އެމްޕީއެލް އިން ބުނެ އެވެ.
އުލިގަމުގައި ޒަމާނީ ޔޮޓް މެރީނާ ތަރައްގީ ކުރަން ހަވާލު ކުރުން --
މި މެރީނާއިން ޔޮޓް ފަހަރަށް ބޭނުންވާ މައިގަނޑު ޚިދުމަތްތަކުގެ އިތުރުން، އިމިގްރޭޝަން އަދި ކަސްޓަމްސްގެ ހިދުމަތް ވެސް ލިބިގެންދާނެ ކަމަށް ބުންޏެވެ.
އެމްޕީއެލް އިން ބުނީ ޔޮޓް މެެރީނާ އޮޕަރޭޓްކޮށް، އިތުރަށް ތަރައްގީ ކުރާނެ ބަޔަކު ހޯދުމުގެ މަސައްކަތް ކުރަމުންދާ ކަމަށެވެ.
އުލިގަމަކީ ޔޮޓްތަކުގެ އެންމެ ޑިމާންޑް ބޮޑު މަންޒިލެވެ. އެ ރަށުގައި ޔޮޓް މެރީނާއެއް އެޅުމަކީ އަހަރުތަކެއްގެ ކުރީން ފެށިގެން ދައްކަމުންދާ ވާހަކަ އެކެވެ.
Advertisement
This content is created and paid for by advertisers and does not involve Voice Journalists
