އިނގިރޭސި ލީގްކަޕް ނުވަތަ ކަރަބައޯކަޕްގެ ޗެމްޕިއަންކަން އާސެނަލް ބަލިކޮށް މެންޗެސްޓަރ ސިޓީ ހޯދައިފިއެވެ.

ކަރަބާއޯކަޕްގެ ޗެމްޕިއަންކަން މެންޗެސްޓަރ ސިޓީ ހޯދާފައިވަނީ ރޭ އިނގިރޭސި ވެމްބްލީޫ ސްޓޭޑިއަމްގައި ކުޅުނު މިނެޗް 2-0 ގެ ނަތީޖާއިން ކާމިޔާބުކޮށްގެންނެވެ. މެޗްގައި މޮޅަށް ކުޅެ ގިނަ ހަމަލާތައް އުފައްދާފައިވަނީވެސް ސިޓީންނެވެ.

މެޗްގައި މެންޗެސްޓަރ ސިޓީން ޖެހި ދެ ލަނޑުވެސް އެޓީމަށް ކާމިޔާބުކޮށްދިނީ އޮރެއިލީ އެވެ. 

މެޗްގައި ސިޓީން ދެ ލަނޑު ޖަހާފައިވަނިކޮށް އާސެނަލުން ވަނީ ކުޅުން ރަނގަޅުކޮށް ލަނޑެއް ޖެހޭތޯ މަސައްކަތްކޮށްފައެވެ. އެގޮތުން މެޗްގެ ފަހު 10 މިނެޓްތެރޭގައި އާސެނަލުން ވަނީ ސިޓީގެ ގޯލަށް ނުރައްކާކޮށްފައެވެ. ނަމަވެސް އާސެނަލްގެ ހަމަލާތައް ނާކާމިޔާބުކޮށްލުމުގައި ސިޓީގެ ޑިފެންސް ލައިނާ ކީޕަރު ވަނީ މޮޅު ކުޅުމެއް ދައްކާފަައެވެ.

ރޭގެ މެޗަށް އާސެނަލުން ނިކުމެފައިވަނީ އެޓީމްގެ ހިމެނޭ ބައެއް މުހިންމު ކުޅުންތެރިން ނުހިމަނައެވެ. މިފަހަރުގެ ސީޒަންގައި އާސެނަލަށް މައިގަނޑު ހުރިހާ މުބާރާތެއްގެ ތަށި ނެގުމުގެ ފުރުސަތު އޮތްއިރު، އިނގިރޭސި ޕްރިމިއާ ލީގާއި، ޔުއެފާ ޗެމްޕިއަންސް ލީގް ތަށި ނެގުމުގެ ފުރުސަތު އަދި އެބައޮތެވެ. ޕްރިމިއާ ލީގްގެ ތާވަލްގެ އެއްވަނާގައި އާސެނަލް އުޅޭއިރު، އެޓީމް ވަނީ ޗެމްޕިއަންސްލީގް ކުއާޓާ ފައިނަލަށްވެސް ދަތުރުކޮށްފައެވެ.