އިއްޔެ ކުރިއަށްދިޔަ ލޯކަލް ކައުންސިލް އިންތިޚާބުގައި ވެރިކަންކުރާ ޕީއެންސީ ބޮޑުތަނުން ބަލިކޮށް ހިޔާ ސަހަރުގެ ގޮނޑި އެމްޑީޕީގެ ކެންޑިޑޭޓް ފާޠިމަތު ޒަހިއްޔާ (ޒާޔާ) ކާމިޔާބު ކުރައްވައިފިއެވެ. 

މި އިންތިޚާބުގައި ޒާޔާ ވާދަކުރެއްވީ ހުޅުމާލެ އުތުރު ދާއިރާގެ ގޮނޑިއަށެވެ. އެ ދާއިރާއަށް 4 ކެންޑިޑޭޓުން ވާދަކުރެއްވިއިރު، %48 އަށްވުރެ ބޮޑު އަޣުލަބިއްޔަތާއެކު ގޮނޑި ކާމިޔާބު ކުދީ ޒާޔާއެވެ. އެއީ 909 ވޯޓެވެ. އޭނާއާ ޖެހިގެން ދެން އެންމެ ގިނަ ވޯޓު ލިބިލެއްވީ ޕީއެންސީގެ ކެންޑިޑޭޓް ފާތިމަތު ޝައުފާ ސަލީމް އަށެވެ. އޭނާއަށް 756 ވޯޓު ލިބިލެއްވިއިރު އެއީ ވޯޓުލީ މީހުންގެ %40 އެވެ. 

މާލޭގެ މޭޔާރުގެ ގޮނޑިވެސް އެމްޑީޕީއަށް ލިބިފައިވާއިރު، ދެން އިން 17 ގޮނޑީގެ ތެރެއިން 16 ގޮނޑިވެސް ލިބުނީ އެމްޑީޕީ އަށެވެ. އެ ގޮތުން؛

1- ހުޅުމާލެ ދެކުނު - އަހުމަދު ގާލިބު

2-މާފަންނު ހުޅަނގު - މުހައްމަދު ރިލްވާން އަލީ

3-މާފަންނު މެދު - އައިޝަތު ހަނާ

4-މާފަންނު ދެކުނު - އިބްރާހީމް ލަބާން ޝަރީފު

5-ހެންވޭރު ހުޅަނގު - ފާތިމަތު ސަހުލާ

6-މައްޗަންގޯޅި މެދު - ހައްވާ ޝިފާނާ

7-ހުޅުމާލެ މެދު - ސަފާއަތު އަހުމަދު ޒާހިރު

8-ހުޅުމާލެ އުތުރު - ފާތިމަތު ޒަހިއްޔާ

9-މެދު ހެންވޭރު - މީކާއީލް މުހައްމަދު ރިޔާޒު

10-ހެންވޭރު ދެކުނު - އާއިޝަތު ނާޒިމާ

11-ހެންވޭރު އުތުރު - ފާތިމަތު ލައިޒާ

12-ގަލޮޅު އުތުރު - އާމިނަތު އިރާޝާ މުހައްމަދު

13-ގަލޮޅު ދެކުނު - އިސްމާއީލް ހަލީމް

14-މައްޗަންގޮޅި އުތުރު - ޚަދީޖާ މުހައްމަދު

15-މައްޗަންގޮޅި ދެކުނު - ފަރުހާން ޝަފީއު

16-މާފަންނު އުތުރު - ހުސައިން ފުރުޝާން

ވެރިރަށް މާލޭގެ ގޮނޑިތަކުގެ ތެރެއިން ޕީއެންސީއަށް ކާމިޔާބުވަނީ ވިލިމާލޭގެ ގޮނޑި އެކަންޏެވެ. މިހާތަނަށް ނަތީޖާތައް ދައްކާ ގޮތުން ވިލިމާލޭގެ ކައުންސިލް ގޮނޑި ޕީއެންސީގެ ކެންޑިޑޭޓު އިބްރާހީމް ސަމާހެވެ.