އިއްޔެ އޮތް ލޯކަލް ކައުންސިލް އިންތިހާބުގައި ހދ. ކުރިނބީ ކައުންސިލްގެ ރައީސްގެ މަގާމަށް, އަމިއްލަ ގޮތުން ވާދަކުރެއްވި އަލީ ވިޝާމް އިންތިހާބުވެެއްޖެ އެވެ.

ވިޝާމްގެ އިތުރުން އެ މަގާމަށް އެމްޑީޕީއާ ޕީއެންސީގެ ކެންޑިޑޭޓުން ވެސް ވާދަކުރި އެވެ. އެމްޑީޕީން ވާދަކުރީ މުހައްމަދު ސިޔާހް އެވެ. ޕީއެންސީން ވާދަކުރީ މިހާރުވެސް ކުރިނބީ ކައުންސިލްގެ ރައީސް ކަމުގައި ހުންނެވި އަސްލަމް އެވެ.

ވަގުތީ ނަތީޖާ ދައްކާގޮތުން ވިޝާމް ވަނީ 234 ވޯޓް ހޯދާފަ އެވެ. އެއީ ވޯޓްލީ މީހުންގެ 46.56 އިންސައްތަ އެވެ. ދެން އެންމެ ގިނަ ވޯޓް ހޯދީ އެމްޑީޕީގެ ކެންޑިޑޭޓް ސިޔާހް އެވެ. އޭނާ އަށް ލިބުނީ 130 ވޯޓެވެ. މިހާރުގެ ރައީސް އަދި ޕީއެންސީގެ ކެންޑިޑޭޓް އަސްލަމަށް ލިބުނީ 128 ވޯޓެވެ.

މި ފަހަރުގެ އިންތިހާބުގައި ވިޝާމް ވަނީ އަމިއްލަ ގޮތުން ވަރުގަަދަ ކެންޕެއިނެއް ހިންގާފަ އެވެ.