ޤައުމީ ފުޓްސަލް ޓީމްގައި ހިމެނޭ ކުޅުންތެރިންނަށް އަންނަ އަހަރުން ފެށިގެން މުސާރަ ދިނުމަށް ކުރަންޖެހޭ މަސައްކަތް ކުރަމުންދާކަމަށް ޒުވާނުން ބާރުވެރި ކުރުވުމާއި ކުޅިވަރާއި ހަށިހެޔޮކަމާ ބެހޭ ވަޒީރު އަބްދުﷲ ރާފިއު ވިދާޅުވެއްޖެއެވެ.
ކުޅިވަރާ ބެހޭ ވުޒާރާއިން ކުރަމުންގެންދާ މަސައްކަތްތަކާ ގުޅޭގޮތުން މިއަދު ނޫސްވެރިންނަށް މައުލޫމާތު ހިއްސާކުރަމުން .ކުޅީވަރާ ބެހޭ މިނިސްޓަރު ވިދާޅުވީ ފުޓްސަލް ޓީމަށް ކުޅިވަރު އެވޯޑާއި މުސާރަ ދިނުމަށް މިހާރު އެކުލަވާލާފައި އޮންނަ އުސޫލަކީ ގިނަ ބައެއްގެ ޝަކުވާއަކަށް ވެފައި އޮންނަ ކަމެއްކަމަށެވެ. އެގޮތުން މިހާރު އޮތް އުސޫލު މުރާޖައާކުރެވޭނެ ގޮތެއް ނެޝަނަލް ސްޕޯޓްސް ކައުންސިލްގައި ކުރިއަށްދާކަން މިނިސްޓަރު ވިދާޅުވިއެވެ.
ރާފިއު ވިދާޅުވީ، ޤައުމީ ޓީމުގެ ކުޅުންްތެރިންނަށް މުސާރަ ދެންޏާމު ކަނޑައެޅިފައިވާ އުސޫލްތަކެއް އޮންނަ ކަމަށާއި އެގޮތުން ޤައުމީ ޓީމެއް އޮންނަނަމަ، ނެޝަނަލް ލެވެލްގައި މުބާރާތެއް ކުރިއަށް ގެންދަންޖެހޭ ކަމަށެވެ. އެކަން ފުރިހަމަ ކުރުމަށް ކުރަންޖެހޭ ކަންކަން ކުރަމުންދާކަން ވަޒީރު ފާހަގަކުރެއްވިއެވެ
ނެޝަނަލް މުބާރާތެއް ކުރިއަށް ގެންދެވިގެން އަޅުގަނޑުމެންނަށް އެ އެއް އަހަރު ދުވަހުގެ އެ ގޮތަށް ޕެޓާން ދިޔާމަ މީ މުސާރަ ދޭ ހިސާބަށް މި ދަނީ. އެހެންމަ އިރާދަކުރެއްވިއްޔާ ދާދި އަވަހަށް އަޅުގަނޑުމެންނަށް އެކަން ފަހިވެގެންދާނެ އެފްއޭއެމްގަ މިހާރުވެސް އެ ވަނީ ހަމަ އޮފިޝަލީ ފިރިހެން ޓީމްވެސް ރެޖިސްޓަރ ކުރެވިފަ
ކުޅިވަރާ ބެހޭ މިނިސްޓަރު ރާފިއު
މިނިސްޓަރު ވިދާޅުވީ ޤައުމީ ޓީމްގައި ހިމެނޭ ފުޓްސަލް ކުޅުންތެރިންނަށް މުސާރަ ދިނުމަށް އަންނަ އަހަރުގެ ބަޖެޓްގައި އަދަދުތައް ހިމެނުމަށް ކުރަންޖެހޭ މަސައްކަތްތައް ފަށާފައިވާކަމަށެވެ.
ދާދިފަހުން ނޭޝަނަލް އެތުލީޓުންނަ ހެލްތު އިންޝުއަރަންސް ހަމަޖެހުނުކަން ފާހަގަކުރައްވަމުން މިނިސްޓަރު ވިދާޅުވީ، އުއްމީދަނީ ފުޓްސަލް ކުޅުންތެރިންނަށްވެސް މުސާރައިގެ އިތުރުން އިންޝުއަރެންސްވެސް ހަމަޖެހިގެން ދިއުންކަމަށެވެ.
Advertisement
This content is created and paid for by advertisers and does not involve Voice Journalists
