ސްޕޯޓްސް އެންޑް ފިޓްނަސް މިނިސްޓަރު، އަބްދުالله ރާފިއު (ރާއްޕެ)ގެ އެޑްވައިޒަރަކަށް ކާމިޔާބު ފުޓްބޯޅަ ކޯޗު އަދި ކުޅިވަރު އެޑްމިނިސްޓްރޭޓަރު، މައުރޫފު އަހުމަދު (މާއްޓޭ) އައްޔަނުކޮށްފި އެވެ.
ގައުމީ ޓީމުގެ ކުރީގެ ގޯލްކީޕަރު މާއްޓޭ މަސައްކަތް ކުރުމަށް ހަަމަޖެހިފައިވަނީ، ރާއްޖޭގެ ކުޅިވަރު ލާމަރުކަޒީ ކުރުމުގެ ކަންކަމުގައި މިނިސްޓަރަށް ލަފާ އެރުވުމުގެ ގޮތުންނެވެ.
އިންޓަނޭޝަނަލް ސްޕޯޓްސް މެނޭޖުމެންޓުގެ ދާއިރާ އިން މާސްޓާސް ޑިގްރީ ހާސިލްކުރައްވާފައިވާ މައުރޫފު ވަނީ ފުޓްބޯލް އެސޯސިއޭޝަން އޮފް މޯލްޑިވްސްގައި ވެސް މީގެ ކުރިން މަސައްކަތް ކުރައްވައިފަ އެވެ.
އެގޮތުން އެތަނުގެ ޓެކްނިކަލް ޑައިރެކްޓަރުގެ މަގާމު އަދާކުރައްވާފައިވާއިރު، 2024 ވަނަ އަހަރުގެ އޯގަސްޓް މަހުން މިދިޔަ އަހަރުގެ ޖުލައި މަހަށް އެ އެސޯސިއޭޝަން ހިންގުމަށް ނޯމަލައިޒިން ކޮމިޓީން އެކުލަވާލި ޓެކްނިކަލް ކޮމިޓީގައިވެސް މާއްޓޭ ހިމެނުނެވެ.
މީގެ އިތުރުން، އެފްއޭއެމް އިން މިދިޔަ އަހަރު އެކުލަވާލި އެވޯޑްސް ކޮމިޓީގެ ޗެއާޕާސަން އަކީ ވެސް މާއްޓޭ އެވެ.
އަދި މިދިޔަ ސަރުކާރުގައި އޭނާ ވަނީ ސްޕޯޓްސް ކޯޕަރޭޝަނުގެ މެނޭޖިން ޑިރެކްޓަރުގެ މަގާމުވެސް އަދާކުރައްވާފައެވެ.
Advertisement
This content is created and paid for by advertisers and does not involve Voice Journalists
