އިނގިރޭސި ޕްރިމިއާ ލީގްގައި މިރޭ ކްރިސްޓަލް ޕެލަސް ބަލިކުރުމަށްފަހު ލީގްގެ ގަދަ ހަތަރަކުން ޖާގަ ހޯދުމުގެ ފުރުސަތު ލިވަޕޫލުން ބޮޑުކޮށްފިއެވެ.
ޕްރިމިއަ ލީގްގައި ކްރިސްޓަލް ޕެލަސް އާއި ލިވަޕޫލް ބައްދަލުކުރިމެޗް އެޓީމުން ކާމިޔާބުކުރީ 3-1 ގެ ނަތީޖާއަކުންނެވެ. މެޗްގައި ލިވަޕޫލަށް ގޯލް ހުޅުވާލަދިނީ, 35 ވަނަ މިނެޓް ތެރޭގައި އެލެގްޒެންޑަރ އީސާކް އެވެ. މިއީ ލިވަޕޫލަށް ބަދަލުވުމަށްފަހު އެންފީލްޑްގައި ކުޅުނު މެޗެއްގައި އޭނާ ލިވަޕޫލަށް ޖަހައިދިން ފުރަތަމަ ލަނޑެވެ. މެޗްގައި ލިވަޕޫލްގެ ރޮބަޓްސަން ވަނީ ފުރަތަމަ ހާފް ނިމުމުގެ ކުރިން އިތުރު ލަނޑެއް ޖަހައި ދެ ލަނޑުގެ ލީޑެއް ނަގައިދީފައެވެ.
މެޗްގައި ދެން ފެނިގެންދިޔަ ލަނޑު ޖެހީ ކްރިސްޓަލް ޕެލަސްއެވެ. މި ލަނޑު ކާމިޔާބުކޮށްދިނީ، ޑެނިއަލް މުނޯޒް އެވެ. މެޗްގައި ފެނިގެންދިޔަ ފަހުލަނޑު ކާމިޔާބުކޮށްދިނީ، ފަހު ވަގުތުކޮޅުގެ ތެރޭގައި ފްލޯރިއަން ވާޓްޒް އެވެ.
ލިވަޕޫލްގެ ފުރަތަމަ ދެ ކީޕަރުން ކަމަށްވާ އެލިސަން ބެކާ އާއި ގިއޯގީ މަމާޑަޝްވިލީއަށް އަނިޔާވުމުން މެޗްގައި ލިވަޕޫލްގެ ގޯލް ބެލެހެއްޓީ ތިންވަނަ ކީޕަރު ފްރެޑީ ވުޑްމަން އެވެ.
މެޗުން ލިވަޕޫލް މޮޅުވުމުން އެޓީމަށް ވަނީ އަންނަ ސީޒަނުގެ ޗެމްޕިއަންސްލީގުން ޖާގައެއް ކަށަވަރުކުރުމުގެ އިތުރުން ލީގް ގަދަ ހަތަރެއްގައި ސީޒަން ނިމެންދެން ހިފަހައްޓާލުމުގެ އުއްމީދު އާކޮށްފައެވެ.
Advertisement
This content is created and paid for by advertisers and does not involve Voice Journalists
