ރައްޔިތުންގެ މަޖިލީހުގެ ހިތަދޫ އުތުރު ދާއިރާގެ ބައި-އިލެކްޝަންގައި، ޕީއެންސީ ޕްރައިމަރީ ކާމިޔާބު ކުރި އެދާއިރާގެ ކުރީގެ މެންބަރު މުހައްމަދު ސިނާން، ބައި އިލެކްޝަންގައި ވާދަ ނުކުރަން ނިންމުމުން އެ ޕާޓީގެ ޓިކެޓް އަހްމަދު ސައީދަށް ދޭން ނިންމައިފި އެވެ.
ސައީދަކީ ހިތަދޫ މޫލެކެޑެ ދާއިރާގެ މިހާރުގެ ކައުންސިލަރެވެ.
ހިތަދޫ އުތުރު ދާއިރާގެ ބައި-އިލެކްޝަން ބާއްވަން ނިންމީ ސިނާން ފުުރުއްވަމުން ގެންދެވި އެ ގޮނޑި ހުސްވެފައިވާ ކަމަށް ސުޕްރީމް ކޯޓުން ކަނޑައެޅުމާއި ގުޅިގެންނެވެ. ކޯޓުން އެ ނިންމުން ނިންމީ ސިނާންގެ ސާބިތު ދަަރަންޏެއް އޮތުމުންނެވެ.
ބައި އިލެކްޝަނަށް ހުޅުވާލުމުން ޕީއެެންްސީން ވަނީ ޕްރައިމަރީއެއް ބާއްވާފަ އެވެ. ޕްރައިމަރީގައި ވާދަކުރެއްވީ ސިނާން އާއި ސައީދެވެ. ސިނާން ވަނީ ބޮޑުތަފާތަކުން ޕްރައިމަރީ ކާމިޔާބު ކުރައްވާފަ އެވެ.
ނަމަވެސް ސިނާން މިއަދު ވަނީ ބައި އިލެކްޝަންސްގައި ވާދަނުކުރަން ނިންމާފަ އެވެ. އެއީ ޕާޓީއަށް އެ ގޮނޑި ކާމިޔާބު ކޮށް ދިނުމަށް ނިންމި ނިންމުމެއް ކަަމަށް ވިދާޅުވި އެވެ.
ޕީއެންސީން މިއަދު ބޭއްވި ނޫސްވެރީންގެ ބައްދަލްވުމުގައި އެ ޕާޓީގެ ނާއިބު ރައީސް އަދި މިނިސްޓަރު ޝިޔާމް ވިދާޅުވީ ޕީއެންސީގެ ޓިކެޓް ސައީދަށް ދޭން ނިންމާފައިވާ ކަމަށެވެ. އެ ނިންމުން ނިންމީ ސިނާން ޓިކެޓް ދޫކޮށްލެއްވުމުން ކަމަށާ އަދި ޕްރައިމަރީއަށް ހުޅުވާލާ ދެން އިތުރު އިންތިހާބެއް ބާއްވަން ވަގުތު ނެތުމުން ކަމަށެވެ.
Advertisement
This content is created and paid for by advertisers and does not involve Voice Journalists
