ށ. މިލަންދޫގައި އެއާޕޯޓް އެޅުމަށްޓަކައި ބޭނުންވާ ބިން ހިއްކުމުގެ އަމަލީ މަސައްކަތް ކާމިޔާބުކަމާއެކު ނިންމާލައިފިއެވެ
މިކަނަް އިއުލާން ކުރެއްވީ ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު މިއަދު އެކްސްގައި ކުރެއްވި ޕޯސްޓެއްގައެވެ.
ރައީސުލްޖުމްހޫރިއްޔާ ވިދާޅުވީ، މިލަންދޫ އެއާޕޯޓް މަޝްރޫޢުގެ ދަށުން ބިން ހިއްކުމުގެ މަސައްކަތް މިހާރު ވަނީ %100 ނިމިފައި ކަމަށެވެ.
މި މަޝްރޫޢުގެ ތަފްސީލަށް ބަލާއިރު، ބިން ހިއްކުމުގެ އަމަލީ މަސައްކަތް ފަށާފައިވަނީ 3 އޭޕްރީލް 2026 ގައެވެ. އަދި މަސައްކަތް އެއްކޮށް ނިންމާލާފައިވަނީ 4 މޭ 2026 ގައެވެ. އެހެންކަމުން، މި ބިޔަ މަޝްރޫޢު ނިންމާލުމަށް ހޭދަވެފައިވަނީ އެންމެ 31 ދުވަހެވެ.
މި މަޝްރޫޢުގެ ދަށުން އެއާޕޯޓަށް ބޭނުންވާ 21 ހެކްޓަރުގެ ބިން ވަނީ މުޅިން ހިއްކާ ނިންމާފައެވެ. އަދި ރަށުގެ މިހާރު އޮތް ބިމުގެ ތެރެއިން 4.9 ހެކްޓަރުގެ ސަރަޙައްދަކުން ގަސް ނެގުމުގެ މަސައްކަތް ވެސް ވަނީ ކުރިއަށް ގެންގޮސްފައެވެ. މިއާއެކު މި މަޝްރޫޢު ހިނގާ ޖުމްލަ ސަރަޙައްދަކީ 25.90 ހެކްޓަރެވެ.
މިލަންދޫގެ ބިން ހިއްކުމުގެ މަސައްކަތުގައި ބޭނުންކޮށްފައިވަނީ ދުނިޔޭގެ އެންމެ ބޮޑު އެއް ޑްރެޖަރު ކަމަށްވާ "ކްއީން އޮފް ދަ ނެދަލޭންޑްސް" އެވެ. މި ޑްރެޖަރަކީ އެއްފަހަރުން 35,000 ކިއުބިކް މީޓަރުގެ ވެލި އުފުލުމުގެ ގާބިލުކަން ލިބިފައިވާ އުޅަނދެކެވެ. މި މަޝްރޫޢުގައި ޖުމްލަ 1,134,534 ކިއުބިކް މީޓަރުގެ ވެލި ބޭނުންކޮށްފައިވާކަން ފާހަގަކުރެވެއެވެ.
Advertisement
This content is created and paid for by advertisers and does not involve Voice Journalists
