ކުރިނބީގައި އިމާރާތްކުރި އެރަށު ކައުންސިލް އިދާރާގެ އައު އިމާރާތް ރަސްމީކޮށް ހުޅުވައިފިއެވެ.
ކުރިނބީ ކައުންސިލް އިދާރާގެ އައު އިމާރާތް ހުޅުވާފައިވަނީ މިކަމަށްޓަކައި ބޭއްވި ހާއްސަ ރަސްމިއްޔާތެއްގައެވެ. އިމާރާތް ހުޅުވާފައިވަނީ، އެކަމަށްޓަކައި ބޭއްވި ރަސްމިއްޔާތެއްގައި އެލްޖީއޭގެ ސީއީއޯ މުޙައްމަދު ނިމާލާއި، ކުރިނބީ ކައުންސިލްގެ ރައީސް ޢަބްދުﷲ އަސްލަމެވެ.
ކުރިނބީ ކައުންސިލް އިދާރާއަކީ ދައުލަތުގެ ބަޖެޓުން ހަރަދުކޮށްގެން ހެދި އިމާރާތެކެވެ. ޖުމްލަ 5.9 މިލިއަން ރުފިޔާ ހަރަދުކޮށްގެން މި އިމާރާތުގެ މަސައްކަތް ކޮށްފައިވަނީ، އެލްޖީއޭގެ ޕީއެސްޕީ ބަޖެޓްގެ ތެރެއިންނެވެ. މި ރަސްމިއްޔާތުގައި ވާހަކަދައްކަވަމުން އެލްޖީއޭގެ ރައީސް ނިމާލް ވިދާޅުވީ، މި ސަރުކާރު ވެރިކަމަށް އާއިރު ހުއްޓިފައި އޮތް މި މަޝްރޫޢުގެ ނިމިފައިވަނީ އެންމެ ދެ އިންސައްތަ މަސައްކަތް ކަމަށެވެ. އެގޮތުން ކުރިނބީ ކައުންސިލް އިދާރާގެ މަސައްކަތް ނިންމާލެވުނީ، މި ސަރުކާރުން ކުރި މަސައްކަތުންކަން ނިމާލްގެ ވާހަކާގައި ފާހަގަކުރިއެވެ.
ކުރިނބީ ކައުންސިލް އިދާރާ ހުޅޫވުމުގެ ތެރެއިން..
މި ރަސްމިއްޔާތުގައި ކުރިނބީ ކައުންސިލާއި އަލަށް ހޮވުނު ކައުންސިލާއި އަންހެނުންގެ ތަރައްޤީއަށް މަސައްކަތްކުރާ ކޮމިތީގެ އިތުރުން ރަށުގެ ގިނަ އަދަދެއްގެ ރައްޔިތުން ބައިވެރިވިއެވެ.
ކުރިނބީ ކައުންސިލް އިދާރާ ހުޅޫވުމުގެ ތެރެއިން..
ކުރިނބީ ކައުންސިލް އިދާރާގެ އިމާރާތަކީ ވަރަށް ކުރިންސުރެ ބޭނުން ކުރަމުން އަންނަ ވަރަށް ދުަވސްވީ އިމާރާތެކެވެ. ސަރުކާރުން ބުނީ ކުރިނބީ ކައުންސިލް އިދާރާގެ އައު އިމާރާތާއެކު ޖާގައިގެ ދަތިކަމަށް ހައްލެއް ލިބިެގންދާނޭކަމަށެވެ.
ކުރިނބީ ކައުންސިލް އިދާރާ ހުޅޫވުމުގެ ތެރެއިން..
މި ސަރުކާރުން ގެންދަނީ ވީރާނާވެފައިވާ ރަށްރަށުގެ ކައުންސިލް އިދާރާތަކުގެ ބަދަލުގައި އާ އިމާރާތްތައް އެޅުމުގެ މަސައްކަތް ކުރަމުންނެވެ.
Advertisement
This content is created and paid for by advertisers and does not involve Voice Journalists
