މޯލްޑިވްސް ޕެންޝަން އެޑްމިނިސްޓްރޭޝަން އޮފީހުގެ ޗެއާޕާސަންކަމުގެ މަގާމަށް އެ އޮފީހުގެ ބޯޑު މެމްބަރެއްގެ ގޮތުގައި ހުންނެވި އަބްދުލް މަޖީދު އަލީ އައްޔަނުކުރައްވައިފިއެވެ.
ޕެންޝަން އޮފީހުގެ ޗެއާޕާސަނެއްގެ ގޮތުގައި މަޖީދު ހަމަޖެއްސިކަން އާއްމުކޮށްފައިވަނީ މިއަދެވެ. ޕެންޝަން އޮފީހުގެ ޗެއާޕާސަނެއްގެ ގޮތުގައި ބޭފުޅަކު ހަމަޖައްސަވާފައިމިވަނީ މީގެ ކުރިން އެ މަގާމުގައި ހުންނެވި ޑރ. އަހުމަދު އިނާޒް މަޤާމުން އިސްތިއުފާ ދެއްވުމުންނެވެ. އިނާޡް މަގާމުން އިސްތިއުފާދެއްވާފައިވަނީ މިއަހަރުގެ ފެބުރުއަރީމަހުގެ ތެރޭގައެވެ.
ންޝަން އޮފީހުގެ ޗެއަރޕަރސަން ކަމުގެ މަޤާމުގައި ހުންނެވި ޑރ.އީނާޒް މަޤާމުން އިސްތިއުފާދެއްވި ސަރުކާރުން ހުށަހަޅާފައިވާ 2.4 ބިލިއަން ބޮންޑުގެ މައްސަލައިގައި އެއްގަލަކަށް ނޭރިގެންނެވެ.
ޕެންޝަން އޮފީހުގެ ޗެއާއަކަށް ހަމަޖެއްސެވި މަޖީދު ވަނީ ޕްރައިވެޓް ސެކްޓަރ ތަމްސީލު ކުރައްވާ މެންބަރެއްގެ ހައިސިއްޔަތުން ބޯޑުގައި ތަމްސީލް ކުރައްވާފައެވެ.
މަޖީދަކީ ކާކު؟
މަޖީދަކީ އޮޑިޓް އަދި ފައިނޭންޝަލް ކޮންސަލްޓަންސީ ފޯރުކޮށްދޭ ރެޖިސްޓަރޑް އޮޑިޓް ކުންފުންޏެއް ކަމަށްވާ އޮޕްޓިމޯރ އެލް.އެލް.ޕީ ގެ މެނޭޖިންގ ޑައިރެކްޓަރ އެވެ.
އޮޕްޓިމޯ އެލް.އެލް.ޕީ އުފެދުމުގެ ކުރިން މަޖީދުވަނީ ބޭންކް އޮފް މޯލްޑިވްސް އަދި ބޭންކް އޮފް ސިލޯން އަށް ޚިދުމަތް ކޮށްދެއްވައި ބޭންކިންގ އެންޑް ފައިނޭންސްގެ ރޮގުން ތަޖުރިބާ ހާސިލްކުރައްވާފައެވެ. އަދި، ކެޕިޓަލް މާކެޓް ޑިވެލޮޕްމަންޓް އޮތޯރިޓީގެ ބޯޑު މެމްބަރެއްގެ ހައިސިއްޔަތުން އެއޮތޯރިޓީއަށް ޚިދުމަތް ކޮށްދެއްވައި، މިމުއްދަތުގައި އެއޮތޯރިޓީގެ އޮޑިޓް އެންޑް ރިސްކް ކޮމިޓީގެ މެމްބަރެއްގެ ގޮތުގައިވެސް ޚިދުމަތްކޮށްދެއްވާފައިވެއެވެ.
ޕްރައިވެޓް ސެކްޓަރ ކުރިއެރުވުމުގެ ގޮތުން ކުރިއަށް ގެންގޮސްފައިވާ ގިނަ ޕްރޮޖެކްޓް ތަކެއްގައި މަޖީދު ވަނީ އަމަލީ ގޮތުން ބައިވެރިވެ ވަޑައިގަންނަވާފައެވެ. މިގޮތުން، ފާހަގަކޮށްލެވޭ ޕްރޮޖެކްޓް ތަކުގެ ތެރޭގައި އޭޝިއަން ޑިވެލޮޕްމަންޓް ބޭންކުން ފަންޑްކޮށް ކުރިއަށްގެންދިޔަ 'ޕްރައިވެޓް ސެކްޓަރ ޑިވެލޮޕްމަންޓް ޕްރޮޖެކްޓް' އަދި ޔޫކޭގެ އިސްލާމިކް ފައިނޭންސް އެޝުއަރެންސް އެންޑް އެޑްވައިޒަރީ ސަރވިސަސް އިން ހިންގި 'މައިކްރޯ-އެންޓަރޕްރައިޒް ޑިވެލޮޕްމަންޓް ޕްރޮޖެކްޓް' ހިމެނެއެވެ.
މަޖީދު ވަނީ ވޭލްސްގެ ކާރޑިފް ޔުނިވަރސިޓީ އިން 'މާސްޓަރ އޮފް ސައިންސް އިން އިންޓަރނޭޝަނަލް އިކޮނޮމިކްސް، ބޭންކިންގް އެންޑް ފައިނޭންސް' ޙާޞިލްކުރައްވާފައެވެ.
Advertisement
This content is created and paid for by advertisers and does not involve Voice Journalists
