ރޭ ފެށި "ކުޑަހުވަދޫ ބޮޑުއީދު ފުޓްސަލް ޗެލެންޖް 1447" މުބާރާތުގެ ދެވަނަ މެޗްގައި ރޯޔަލް ސިޓީ އާއި އައްސޭރި ބައްދަލު ކުރިމެޗް ތަފާތުބޮޑު ނަތީޖާއަކުން ރޯޔަލް ކާމިޔާބުކޮށްފިއެވެ.

މިމެޗް ރޯޔަލް ކާމިޔާބުކުރީ 7-3 ގެ ނަތީޖާއަކުންނެވެ. މެޗް ފެށިގެން މާ ގިނައިރެއް ނުވެ ރޯޔަލްސް ސިޓީން ކުރި ހޯދިއެވެ. ފުރަތަމަ ލަނޑު ކާމިޔާބުކޮށްދިނީ މުޙައްމަދު ޒިހާންއެވެ. ނަމަވެސް އައްސޭރި އެސްސީން ވަނީ، އޭގެ މިނެޓެއް ފަހުން ލަނޑެއް ޖަހައި މެޗްގެ ނަތީޖާ އެއްވަރުކޮށްފައެވެ. މި ލަނޑު ޖަހައިދިނީ އެ ޓީމުގެ އިބްރާހީމް ރަޝީދެވެ. ދެވަނަ ފަހަރަށް ރޯޔަލްސް ސިޓީއަށް ލީޑް ނަގައިދިނީ 10 ވަނަ މިނެޓް ތެރޭގައި އެމާދު ސޮލިމަން ޖެހި ގޯލުންނެވެ. އެމާދު ލަނޑެއް ޖެހިތާ މާ ގިނައިރެއް ނުވެ ހުސައިން އިފްހާމް ވަނީ އިތުރު ލަނޑެއް ޖަހައި ރޯޔަލްސް ސިޓީގެ ލީޑް ފުޅާކޮށްދީފައެވެ.

މެޗުގެ ފަހު ބައިގައި ރޯޔަލްސް ސިޓީން ދެމިގެންދިޔަ ހަމަލާތަކާ އެކު އިތުރު ލަނޑުތައް ކާމިޔާބުކުރިއެވެ. ރޯޔަލްސް ސިޓީގެ ބާކީ ގޯލްތައް ކާމިޔާބުކޮށްދިނީ އެމާދު، އިފްހާމް، އަޙްނަފް އިސްމާޢީލް އަދި މުޙައްމަދު އަލްޔަސް އެވެ. އައްސޭރީގެ ފަހު ދެ ލަނޑު ކާމިޔާބުކޮށްދިނީ ޒަލަފް އަޙްމަދު އަދި ރައްޔާން ބިން އިސްމާޢީލެވެ.

މެޗުގެ މޮޅު ކުޅުންތެރިޔާގެ މަޤާމު ހޯދީ ރޯޔަލްސް ސިޓީގެ އެމާދު ސޮލިމަންއެވެ. މެޗްގައި އެމާދު ވަނީ ދެ ލަނޑުޖަހައި މޮޅު ކުޅުމެއް ދައްކާފައެވެ.

މެޗުގެ މޮޅު ކުޅުންތެރިޔާގެ މަޤާމު ހޯދީ ރޯޔަލްސް ސިޓީގެ އެމާދު

މި ނަތީޖާއާ ގްރޫޕް އެކެއްގެ އެއްވަނައިގައި ތިން ޕޮއިންޓާ އެކު ފައިދާ ގޯލުން ކުރީގައި އޮތީ މައިދާނެވެ. ދެވަނާގައި އޮތީ ރޯޔަލްއެވެ.