ކުޑަހުވަދޫ ބޮޑު ޢީދު ފުޓްސަލް ޗެލެންޖް 1447 ގެ ގްރޫޕް ދޭއްގައި ރޭ ޑްރީމް އެފްސީ އާއި އައްކަން އެސްސީ ބައްދަލުކުރިމެޗް ތަފާތުބޮޑު ނަތީޖާއަކުން ޑްރީމް ކާމިޔާބުކޮށްފިއެވެ.
އައްކަންގެ މައްޗަށް ޑްރީމުން މި މެޗްގައި ކުރި ހޯދީ 5-0 ގެ ނަތީޖާއަކުންނެވެ. މެޗް ފެށިގެން ވަރަށް ކުރީކޮޅު ޑްރީމް އެފްސީން ވަނީ ލީޑް ނަގާފައެވެ. ހަތަރުވަނަ މިނެޓް ތެރޭގައި މި ލަނޑު އެ ޓީމަށް ޖަހައިދިނީ އަބްދުﷲ ޒާން ޒަހީނެވެ. ފުރަތަމަ ހާފުގެ ފަހުކޮޅުގައި 18 ވަނަ މިނެޓް ތެރޭގައި ޒާން އޭނާގެ ދެވަނަ ގޯލް ކާމިޔާބުކޮށް ޑްރީމުން ވަނީ ލީޑު 2-0 އަށް ފުޅާކޮށްފައެވެ.
މެޗްގެ މޮޅު ކުޅުންތެރިޔާގެ މަގާމް ހޯދި ޒާން
ޑްރީމުން ތިންވަނަ ލަނޑު ޖަހާފައިވަނީ 26 ވަނަ މިނެޓް ތެރޭގައި އަހުމަދު އާޖިލް އެވެ. އެއަށްފަހު ޝަނީމް މޫސާ ވަނީ ހަތަރުވަނަ ލަނޑާއި ފަސްވަނަ ލަނޑު ކާމިޔާބުކޮށްފައެވެ.
މި މެޗުގައި އެންމެ ފާހަގަކޮށްލެވޭ ކުޅުންތެރިޔަކީ ދެ ގޯލް ޖެހި އަބްދުﷲ ޒާން ޒަހީނެވެ. އޭނާ ވަނީ މެޗުގެ މޮޅު ކުޅުންތެރިޔާގެ މަޤާމު ވެސް ހޯދައިފައެވެ.
Advertisement
This content is created and paid for by advertisers and does not involve Voice Journalists
