ކުޑަހުވަދޫ ބޮޑު ޢީދު ފުޓްސަލް ޗެލެންޖް 1447 ގެ ގްރޫޕް އެކެއްގައި މައިދާން އެސްސީ އާއި އައްސޭރި އެސްސީ ބައްދަލުކުރި މެޗު ތަފާތުބޮޑު ނަތީޖާއަކުން މައިދާނުން ކާމިޔާބުކޮށްފިއެވެ.
ދ. ކުޑަހުވަދޫ އަކިރެޔެރޭ ފުޓްސަލް ގްރައުންޑުގައި ރޭ ކުޅުނު މި މެޗުގައި ތަރިއަކަށްވީ މައިދާނަށް ފަސް ގޯލް ޖެހި ޢަބްދުﷲ ޝަރުމަދެވެ.
މެޗު ފެށިގެން ފުރަތަމަ މިނެޓް ތެރޭގައި މައިދާނުން ވަނީ ލީޑް ނަގާފައެވެ. މި ލަނޑު އެ ޓީމަށް ކާމިޔާބުކޮށްދިނީ ޢަލީ އަޒްވާނެވެ. މެޗުގެ ކުރީކޮޅުގައި ލީޑު ނެގުމާއެކު މައިދާނުން ދެން ފެނިގެންދިޔައީ ގޯލަކަށް ފަހު ގޯލް ޖަހަމުން ދިޔަ ތަނެވެ. ޝަރުމަދު މި މެޗުގައި ފަސް ލަނޑު ކާމިޔާބުކުރިއިރު، މައިދާނަށް ދެން ލަނޑުތައް ކާމިޔާބުކޮށްދިނީ ޢަލީ ފަޒީން، އިބްރާހީމް ހުޝާމް އަދި އަޙްމަދު ޝާނިޢު އެވެ. މެޗްގައި އައްސޭރި ޓީމަށް ގޯލްތައް ކާމިޔާބުކޮށްދިނީ، ރައްޔާން ބިން އިސްމާޢީލް އަދި ސަނޫފް އަޙްމަދެވެ.
މެޗުގެ މޮޅު ކުޅުންތެރިޔާގެ މަޤާމު ހޯދީ ފަސް ލަނޑު ޖެހި ޢަބްދުﷲ ޝަރުމަދެވެ.
މެޗްގެ މޮޅު ކުޅުންތެރިޔާގެ މަގާމް ހޯދި ޝަރުމަދު
މި ނަތީޖާއާ އެކު ގްރޫޕް އެކެއްގައި މައިދާން އެސްސީން ދެ މެޗުން ލިބުނު ހަ ޕޮއިންޓާ އެކު ތާވަލުގެ ކުރީގައި ހަމަޖެހިލިއިރު، އައްސޭރި އުޅެނީ ކުޅުނު ދެ މެޗުން ޕޮއިންޓެއް ނުލިބި ގްރޫޕުގެ ފުލުގައެވެ.
Advertisement
This content is created and paid for by advertisers and does not involve Voice Journalists
