ރ. އިނަމާދޫގައި ބޭއްވި ފަލާޙް ކަޕް 2026 ގެ ޗެމްޕިއަންކަން ގާގަނޑު އެފްޓީ އިން ހޯދައިފި އެވެ.

މުބާރާތުގެ ޗެންޕިއަންކަން ގާގަނޑުން ހޯދީ މިމަހު 27 ގައި ކުޅުނު ފައިނަލުގައި ސްޓާ ފޯސް ބަލިކޮށް 2-1 ގެ ނަތީޖާއަކު ކާމިޔާބުކޮށްގެނެއެވެ.

ޖުމްލަ 8 ޓީމް ވާދަކުރި މި މުބާރާތުގެ ފައިނަލުގައި ބައްދަލުކުރީ ސްޓާ ފޯސް އާއި ގާގަނޑު އެފްޓީއެވެ. ފޯރިގަދަ ކުޅުމެއް ފެނިގެންދިޔަ މި މެޗުގައި ގާގަނޑު އެފްޓީގެ ގޯލުތައް ޖެހީ މުޙައްމަދު އާނިމް އާއި މުޙައްމަދު ހައިޝަމެވެ. ސްޓާ ފޯސްގެ ހަމައެކަނި ގޯލު ކާމިޔާބުކޮށްދިނީ ޙަސަން ސުހާންއެވެ.

މި ކާމިޔާބީއާ އެކު ގާގަނޑު އެފްޓީ އަށްވަނީ 100،000ރ ގެ ފައިސާ، އިނާމުގެ ގޮތުގައި ލިބިފައެވެ. ސްޓާ ފޯސްއަށް 40،000ރ ގެ ފައިސާގެ ލިބިފައިވާ އިރު ފެއާރ ޕްލޭ ޓީމަށް 10،000ރ ވަނީ ދީފައެވެ.