މާލޭ ސިޓީ ގްރޫޕް އޮފް ހޮސްޕިޓަލްސް އާއި މިނިސްޓްރީ އޮފް ހެލްތު އެންޑް ފެމިލީ ވެލްފެއާ ގުޅިގެން، ގދ. ތިނަދޫގައި ހުންނަ ޑރ. އަބްދުއްސަމަދު މެމޯރިއަލް ހޮސްޕިޓަލުގައި ޚާއްޞަ ސާޖިކަލް އައުޓްރީޗް ކޭމްޕެއް ބާއްވަން ނިންމައިފިއެވެ. 

މި ޕްރޮގްރާމް ކުރިއަށް ދިއުމަށް ހަމަޖެހިފައިވަނީ 2026 ޖޫން 11 އިން 13 އަށެވެ. މިއީ އަތޮޅުތެރޭގެ ރައްޔިތުންނަށް ފެންވަރު ރަނގަޅު ޞިއްޙީ ފަރުވާ ފަސޭހަކަމާއެކު ފޯރުކޮށްދިނުމުގެ މަޤްޞަދުގައި ހިންގޭ ހަރަކާތެކެވެ.

މި ކޭމްޕްގެ ތެރެއިން އޯޕީޑީގައި ބަލިމީހުން ބަލައި ފަރުވާދިނުމާއި، ފަސޭހަނުވެ ގިނަދުވަސްވެފައިވާ ފާރުތަކަށް ޚާއްޞަ ފަރުވާދިނުން ހިމެނެއެވެ. މީގެ އިތުރުން ލެޕްރޮސްކޮޕިކް އޮޕަރޭޝަންތަކާއި، އާންމުކޮށް ކަފާލައިގެން ކުރާ އޮޕަރޭޝަންތަކުގެ އިތުރުން، ގިނަދުވަސްވެފައިވާ ތަދުތަކަށް ޚާއްޞަ ފަރުވާ ދިނުމަށް ވަނީ ހަމަޖެހިފައެވެ. އަދި ހޮސްޕިޓަލުގެ ޑޮކްޓަރުންނާއި ނަރުހުންނަށް ބޭނުންވާ ފަންނީ ތަމްރީނު ދިނުމާއި، ހޮސްޕިޓަލުގެ ޚިދުމަތްތައް ވަޒަންކޮށް ރިޕޯޓެއް ތައްޔާރުކުރުންވެސް މި ޕްރޮގްރާމްގެ ތެރޭގައި ހިމެނެއެވެ.

ޑރ. އަބްދުالله އުބައިދު - އާންމު އަދި ލެޕްރޮސްކޯޕިކް އޮޕަރޭޝަން

ޑރ. ޢާއިޝަތު އަޒްނާ ޢަލީ - ގޮހޮރުގެ އަދި ބޭރިއޭޓްރިކް އޮޕަރޭޝަން

ޑރ. މުޙައްމަދު ޝަރީފް އަބްދުލް މަޖީދު - އާންމު އޮޕަރޭޝަން

ޑރ. މުޙައްމަދު ޝިފާން - ކެންސަރުގެ އޮޕަރޭޝަން

ޑރ. މުޙައްމަދު ވަޙީދު - ޕްލާސްޓިކް އެންޑް ރީކޮންސްޓްރަކްޓިވް އަދި އެޑްވާންސް ވުނޑްކެއަރ

ޑރ. ޢަލީ އާފީ - ނާރުގެ އޮޕަރޭޝަން

ޑރ. އާމިނަތު ނޫރާ އަދި ޑރ. ޖުމައިލަތު ބޭގަމް - އަންހެނުންގެ ބަލިތަކާއި ވިހެއުން

ޑރ. އަސަދު ޝަހީދު - ހޭނެއްލުމާއި އައިނުވިޔާ ހުންނަ ތަދުތައް

ޑރ. މިސްބާޙް - ކުޑަކަމު ނިޒާމުގެ ބަލިތައް

މި ޚިދުމަތްތަކަށް އެޕޮއިންޓްމަންޓް ހެއްދެވުމަށް ބޭނުންފުޅުވާ ފަރާތްތަކުން 1555 އަށް ގުޅުއްވައިގެން ކުރިއަށް ގެންދިއުމަށް އައިޖީއެމްއެޗް އިން އިރުޝާދު ދެއްވައެވެ.