އެމެރިކާ އާއި އީރާނާ ދެމެދު ވެވުނު ސުލްހައިގެ އެއްބަސްވުމުގެ ދަށުން، އީރާނުގައި އިންވެސްޓްމަންޓްތައް އިތުރުކުރުމަށް މަގުފަހިކުރުމުގެ ގޮތުން 300 ބިލިއަން ޑޮލަރުގެ ޕްރައިވެޓް ފަންޑެއް ގާއިމުކުރުމަށް ހިމަނާފައިވާ ކަމަށް ރޮއިޓާސް އިން ބުނެފިއެވެ.
އަދި މި ފަންޑަށް ބޭނުންވާ ފައިސާގެ ދެބައިކުޅަ އެއްބަޔަށް ވުރެ ގިނަ އަދަދެއް މިހާރު ވެސް ކަށަވަރުވެފައިވާ ކަމަށް އީރާނުގެ އިސް އޮފިޝަލަކާ ހަވާލާދީ ރޮއިޓާސްއިން ބުނެފައިވެއެވެ.
މި ފަންޑަކީ ދެ ފަރާތުގެ ދެމެދުގައި އެންމެ ފަހުގެ އެއްބަސްވުމަކަށް އައުމަށްޓަކައި އިޤްތިޞާދީ ގޮތުން ބާރުއެޅުމަށް އުފައްދާ ފަންޑެއް ކަމަށް، ނަން ހާމަނުކުރުމަށް އެދި މަޢުލޫމާތު ދިން މަސްދަރަކުން ބުނެފައިވެއެވެ. މިއަންނަ ހުކުރު ދުވަހު ވޮޝިންޓަނާއި ތެހެރާނުން މި އެއްބަސްވުމުގައި ސޮއިކުރުމަށް ތައްޔާރުވަމުންދާއިރު، މި މަޝްރޫޢު އަދި ރަސްމީކޮށް އިޢުލާންކޮށްފައި ނުވެއެވެ.
މި އައު ފަންޑަކީ އަމިއްލަ އިންވެސްޓްމަންޓްތަކަށް ޚާއްޞަ ވަޞީލަތެކެވެ. މިއީ ބަދަލު ދިނުމުގެ ޕްރޮގްރާމެއް ނޫނެވެ. އަދި މީގައި ސަރުކާރުގެ އެއްވެސް ފައިސާއެއް ނުވަތަ ހިލޭ އެހީއެއް ނުހިމެނޭނެ ކަމަށް އެ މަސްދަރުން ބުންޏެވެ. މީގެ އިތުރުން، އެމެރިކާ، ޢަރަބި ޤައުމުތައް، އޭޝިއާ، ދެކުނު އެމެރިކާ އަދި އެފްރިކާގެ ކުންފުނިތަކުން މި ފަންޑަށް ފައިސާ ހޭދަކުރުމަށް އެއްބަސްވެފައިވާ ކަމަށްވެސް އެ ފަރާތުން ހާމަކުރިއެވެ.
އިންވެސްޓްކުރުމަށް ކަނޑައެޅިފައިވާ ދާއިރާތަކުގެ ތެރޭގައި ހަކަތަ، ލޮޖިސްޓިކްސް، އުފެއްދުންތެރިކަން އަދި ދަތުރުފަތުރުގެ ދާއިރާ ހިމެނޭ ކަމަށް އެ މަސްދަރުން ބުންޏެވެ.
އީރާނުގެ އިސް މަސްދަރަކުން ރޮއިޓާސްއަށް މަޢުލޫމާތު ދިން ގޮތުގައި، ހަނގުރާމައިގެ ގެއްލުމުގެ ބަދަލެއްގެ ގޮތުގައި އެމެރިކާ އަތުން 400 ބިލިއަން ޑޮލަރު ހޯދުމަށް އީރާނުން ކުރިން އެދުނެވެ. ނަމަވެސް، އެ ފައިސާ ނުދެވޭނެ ކަމަށް ވޮޝިންޓަނުން ވަނީ ބުނެފައެވެ.
މި ފަންޑަށް ދީފައިވާ ނަމަކީ "ރީކޮންސްޓްރަކްޝަން އެންޑް ޑިވެލޮޕްމަންޓް ފަންޑް" އެވެ
Advertisement
This content is created and paid for by advertisers and does not involve Voice Journalists
