ދުނިޔޭގެ ކަނޑުތަކުގެ ދުވަހުގެ މުނާސަބާ ފާހަގަކުރުމުގެ ގޮތުން މަސްވެރިކަމާއި ކަނޑުގެ ވަސީލަތްތަކާ ބެހޭ ވުޒާރާއި މުޅި ރާއްޖެއަށް ހުޅުވާލައިގެން ބޭއްވި ފަރުމަސް ބޭނުމުގެ މުބާރާތުގެ އެއްވަނަ ބ.ތުޅާދޫގެ ޓީމުން ހޯދައިފިއެވެ.

މި މުބާރާތުގައި ތުޅާދޫއިން ބައިވެރިކޮށްފައިވަނީ، "ދޮން އިސްމާއީލް" ޓީމެވެ. މި މުބާރާތުގައި މަސްބޭނުން ކުރިއަށްގެންގޮސްފައިވަނީ އިއްޔެ މެންދުރުފަހު 15:00 އިން ފެށިގެން ރޭގެ 21:00 ގެ ނިޔަލަށެވެ. ވަގުތު ހަމަވިއިރު ދޮން އިސްމާއީލްގެ ޓީމުން ވަނީ 214 ކިލޯގެ މަސް ބާނާފައެވެ.

ރޭ ވަނީ މުބާރާތުގެ ވަނަވަނައަށް އައި ފަރާތްތަކަށް އިނާމް ދީފައެވެ. އިނާމް ހަވާލުކޮށްދެއްވީ މަސްވެރިކަމާ ބެހޭ ވަޒީރު އަޙްމަދު ޝިޔާމެވެ.

1 ވަނަ: ބ.ތުޅާދޫ ، ދޮންއިސްމާއިލް

2 ވަނަ: ޏ.ފުވައްމުލަކު، މެޖިކްލީން

3 ވަނަ: ތ.ހިރިލަންދޫ، ކަޅަކައުންޑު

މި މުބާރާތުގެ އެއްވަނައިގެ އިތުރުން އެންމެ ބަރު މަސް ބާނައިގެން އިނާމްގެ ގޮތުގައި ދިން 5 ހާސް ރުފިޔާގެ ފައިސާގެ އިނާމުވެސް ހާސިލުކުރީ ވެސް ތުޅާދޫ ދޮން އިސްމާޢީލް ޓީމުންނެވެ. އެންމެ ބަރުަމސް ބޭނީ، ތުޅާދޫގެ ކެޔޮޅެއްކަމަށްވާ ރިޔާޒް، މުޙައްމަދު ހަބީބެވެ.