އެކަށީގެންވާ މިންވަރަށް ރީތިކޮށް އަތުން ލިޔަން ނޭންގޭ ދަރިވަރުންގެ އަދަދު ހުރީ 56 އިންސައްތާގައި ކަމަށް ތައުލީމާއި ބެހޭ ވުޒާރާއިން ބުނެފި އެވެ.
ނެޝަނަލް އެސެސްމަންޓް އޮފް ލާނިން އައުޓްކަމްސް ރިޕޯޓް އާންމުކުރުމަށް މިއަދު ބޭއްވި ހަފްލާގައި ވާހަކަ ދައްކަވަމުން ވަޒީރު ވިދާޅުވީ ދަރިވަރުންްގެ އަތު ލިޔުމުގެ ފެންވަރު ބެލުމަށް ކުރިއަށް ގެންދެވުނު މަސައްކަތުން ފެނުނީ ކަންބޮޑުވާ ޖެހޭ ނަތީޖާއެއް ކަމަށެވެ.
އަތުލިއުމުގެ ބައި މުޅިން އަލަށް އިވެލުވޭޓްކޮށް ކުރިއަށް ގެންދިޔައިރު އެބައިން ރަނގަޅު ސްކޯއެއް ކުރެވުނީ 44 އިންސައްތަ ދަރިވަރުންނަށް ކަމަށް ވަޒީރު ވިދާޅުވި އެވެ.
".. 44 އިންސައްތަ ދަރިވަރުންނަށޭ އެކަށީގެންވާ މިންވަރަށް މިބައިން [އަތުލިއުމުގެ ބައިން] ސްކޯ ކުރެވެނީ,"
މިއީ ވަަރަށް ބޮޑަށް ސަމާލުކަންދީ ރަނގަޅު ކުރަންޖެހޭ ދާއިރާއެއް ކަމުގައި ވެސް ވިދާޅުވި އެވެ.
Advertisement
This content is created and paid for by advertisers and does not involve Voice Journalists
