ކިލިއަން އެމްބާޕޭގެ ލަނޑާއެކު ޕަރަގުއޭ ބަލިކޮށް ފްރާންސުން ވަރލްޑްކަޕް ކުއާޓާ ފައިނަލުގެ ޖާގައެއް ހޯދައިފިއެވެ.
ފިލަޑެލްފިއާގައި ރޭ ކުޅުނު ނޮކްއައުޓް ބުރުގައި ޕަރަގުއޭ އާ ބައްދަލުކުރި މިމެޗް ފްރާންސުން ކާމިޔާބުކުރީ 1-0 ގެ ނަތީޖާއިންނެވެ. މި މެޗްގައި ފެނިގެންދިޔަ ހަމައެކަނި ލަނޑު އެމަބާޕޭ ޖަހާފައިވަނީ ލިބުނު ޕެނަލްޓީއަކުންނެވެ. ޕެނަލްތީގެ ކުރިންވެސް ފްރާންސަށް ނަތީޖާ ބަދަލުކޮށްލާނެ ރަނގަޅު ފުރުސަތުތައް ވަނީ ލިބިގެން ގޮސްފައެވެ. މީގެ ތެރެއިން ގިނަ ހަމަލާތައް ދިފާއުކުރީ ޕަރަގުއޭގެ ކީޕަރެވެ.
ރޭގެ މެޗްގައި ފްރާންސަށް މެޗުގެ އޮއިވަރު ބަދަލުކޮށްލެވުނީ ބްރެޑްލީ ބާކޯލާގެ ބަދަލުގައި ޑެސިރޭ ޑޫއޭ ކުޅެން އެރުވުމުންނެވެ. މެޗްގައި ޕަރަގުއޭގެ ކުޅުންތެރިންގެ ފަރާތުން ގިނަ ފައުލްތަކެއް ފެނިގެންދިޔަ ނަމަވެސް ރެފްރީގެ ފަރާތުން އެކަމަށް މާބޮޑު އަޅާލުމެއް ނުބެހެއްޓިކަން ފްރާންސް ކުޅުންތެރިން ވަނީ ފާހަގަކޮށްފައެވެ. އެގޮތުން މެޗު ނިމުމަށްފަހުވެސް ހިނގި ހަމަނުޖެހުންތަކުގައި އެއްވެސް ކުޅުންތެރިއަކަށް ރެފްރީ ކާޑެއް ދައްކާފައެއް ނުވެއެވެ.
މުޅި މެޗުގައިވެސް ޕެރަގުއޭ ކުޅުންތެރިންގެ ފަރާތުން ގިނަ ފައުލްތަކެއް ކުރިމަތިވި ފްރާންސްގެ ކެޕްޓަން އެމްބާޕޭ އަށެވެ. މިމެޗް ނިމުމަށްފަހު ކުޅުންތެރިން ސަލާމް ކުރިއިރު، އެމްބާޕޭ ވަނީ ޕެރަގުއޭގެ ކީޕަރާ ސަލާމްކުރަން ދެކޮޅު ހަދާފައެވެ.
ވަރލްޑްކަޕް ކުއާޓާ ފައިނަލުގައި ފްރާންސް ނިކުންނާނީ މޮރޯކޯއާ ދެކޮޅަށެވެ.
Advertisement
This content is created and paid for by advertisers and does not involve Voice Journalists
