ވަރލްޑްކަޕްގެ ނޮކްއައުޓް ސްޓޭޖްގައި ރޭ ސްޕެއިންނާއި ޕޯޗްގަލް ބައްދަލުކުރިމެޗް ސްޕެއިން ކާމިޔާބުކޮށް ކުއާޓާ ފައިނަލުގެ ޖާގައެއް އެޓީމް ހޯދައިފިއެވެ.

ޑަލަސްގައި ކުޅުނު މިމެޗްގެ ފެނިގެންދިޔައީ ކުރިން ހީކުރިވަރަށްވުރެ ފޯރި ދަށްކޮށެވެ. މިމެޗް 1-0 ގެ ނަތީޖާއަކުން ސްޕެއިން ކާމިޔާބުކުރިއިރު، މެޗްގައި ފެނިގެންދިޔަ ހަމައެކަނި ލަނޑު ސްޕެއިނަށް ޖަހައިދިނީ، މިކޭލް މެރީނޯއެވެ. އެއީ މެޗްގެ އިތުރުވަގުތުގެ ކުޅުމުގެ ތެރޭގައި ފެރަން ޓޮރޭޒް ތަނަވަސްކޮށްދިން ފުރުސަތަކުންނެވެ.

ދުނިޔޭގެ ފެންވަރުގެ ގިނަ ތަރިންތަކެއް ފެނިގެންދިޔަ މި މެޗުގައި، ކުޅުންތެރިންގެ ފަރާތުން މާ އެދެވޭ ކުޅުމެއް ފެނިގެން ގޮސްފައެއް ނުވެއެވެ. މި ނަތީޖާއާއެކު ޕޯޗުގަލް މުބާރާތުން ކެޓިއިރު، ޓީމުގެ ހެޑް ކޯޗު ރޮބާޓޯ މާޓިނޭޒް ވަނީ މަގާމުން އިސްތިއުފާ ދިފައެވެ. އަދި މިއީ ކްރިސްޓިއާނޯ ރޮނާލްޑޯގެ ފަހު ވޯލްޑް ކަޕްކަން އޭނާ ވަނީ މެޗުގެ ކުރިން ހާމަކޮށްފައެވެ.

މުޅި މެޗުގައި ޕޯޗުގަލްގެ ފަރާތުން ގޯލާ އަމާޒުކޮށް ފޮނުވާލެވުނު ހަމައެކަނި ހަމަލާއަކީވެސް ރޮނާލްޑޯ ފޮނުވާލި ހަމަލާއެކެވެ. ސްޕެއިންގެ ވަރުގަދަ ޑިފެންސާއި މެދުތެރޭގެ ކޮންޓްރޯލްގެ ސަބަބުން ޕޯޗުގަލްއަށް ފުރުސަތުތަކެއް ނުލިބުނެވެ. މިއާއެކު ސްޕެއިން ވެފައިވަނީ ވޯލްޑް ކަޕްގެ ތާރީޚުގައި ޖެހިޖެހިގެން ހަ މެޗުގައި ބައިކޮޅަށް ލަނޑެއް ވަނަނުދީ ހިފަހައްޓައި، އަދި މި މުބާރާތުގައި މިހާތަނަށް އެއްވެސް ލަނޑެއް ވަދެފައިނުވާ ހަމައެކަނި ޓީމަށެވެ.

ވަރލްޑްކަޕް ކުއާޓާ ފައިނަލުގައި އަންނަ ހުކުރު ދުވަހު ސްޕެއިން ބައްދަލުކުރާނީ އެމެރިކާ އާއި ބެލްޖިއަމް ބައްދަލުކުރާ މެޗުން މޮޅުވާ ޓީމަކާއެވެ.