އިސްތިއުމާރީ އިސްރާއީލުގެ ބޮޑުވަޒީރު ބެންޖަމިން ނަތަންޔާހޫ ބޭނުންވަނީ 2026 ވަނަ އަހަރުގެ ފީފާ ވޯލްޑް ކަޕް އާޖެންޓީނާ ކާމިޔާބުކުރަން ކަމަށް އޭނާ ބުނެފައިވެއެވެ.
އިސްރާއީލުގެ ކޮމީޑިއަން ބެން ބެން ބާރޫޚް ހޮސްޓުކުރާ "ދަ މޯޖޯ ޕޮޑްކާސްޓް" ގައި ވާހަކަ ދައްކަމުން ނަތަންޔާހޫ ބުނީ އާޖެންޓީނާއަށް ތާއީދުކުރަނީ ޓީމުގެ ކެޕްޓަން ލިއޮނެލް މެސީއާ ހެދި ނޫން ކަމަށާއި އެ ޤައުމުގެ ރައީސް ހާވިއެރް މިލޭއީގެ ސަބަބުން ކަމަށެވެ.
"ވޯލްޑް ކަޕްގައި އަހަރެން ސަޕޯޓްކުރަނީ އާޖެންޓީނާ. ކީއްވެކަން އެނގޭތަ" ނަތަންޔާހޫ ސުވާލުކުރިއެވެ. ޕޮޑްކާސްޓް ހޮސްޓު "މެސީ" އޭ ޖަވާބު ދިނުމުން ނަތަންޔާހޫ ބުނީ "ނޫނޭ މެސީގެ ކުރިން މިލޭއީ. އޭނާއަކީ ސުޕަސްޓާރެއް" ކަމަށެވެ.
އެއަށް ފަހު ނަތަންޔާހޫ ވަނީ އާޖެންޓީނާގެ ރައީސް މިލޭއީއާ ސަޕޯޓްކުރާ ސަބަބު ކިޔައިދީފައެވެ. އެގޮތުން ބުނީ ހާވިއެރް މިލޭއީ މަޤާމާ ހަވާލުވީއްސުރެ އިސްރާއީލަށް ފާޅުގައި ތާއީދުކުރާކަން ހާމަކޮށްފައިވާ ކަމަށެވެ.
އަދިމިލޭއީގެ ޢުމުރާއި ތަޖުރިބާއަށް ރިޢާޔަތްކޮށް އެ ޤައުމަށް "މިފަދަ ތަޖުރިބާކާރު ކުޅުންތެރިއެއް" ލިބުމަކީ ނަސީބެއް ކަމަށްވެސް ބުނެފައިވެއެވެ.
އާޖެންޓީނާ 2026 ފީފާ ވޯލްޑް ކަޕަށް ވަދެފައިވަނީ ޑިފެންޑިން ޗެމްޕިއަނުގެ ގޮތުގައެވެ. ލިއޮނެލް މެސީ އަދިވެސް ޓީމު ލީޑުކުރަމުންދާއިރު އާޖެންޓީނާ ވެފައިވަނީ މުބާރާތުގެ އެންމެ ވަރުގަދަ އެއް ޓީމަށެވެ.
Advertisement
This content is created and paid for by advertisers and does not involve Voice Journalists
