ވަރލްޑްކަޕް ކުއާޓާ ފައިނަލުގައި ސްވިޒަރލޭންޑް ބަލިކޮށް އާޖެންޓީނާއިން މުބާރާތުގެ ސެމީފައިނަލުގެ ޖާގައެއް ހޯދައިފިއެވެ.

ސެމީގެ ޖާގައެއް އާޖެންޓީނާ ކަށަވަރުކުރީ 3-1 ގެ ނަތީޖާއިން ސްވިޒަރލޭންޑް ބަލިކުރުމަށްފަހުގައެވެ. މިމެޗްގެ ނަތީޖާ އާޖެންޓީނާއަށް ނެރެވުނީ އިތުރުވަގުތުގެ ކުޅުމުގެ ތެރޭގައެވެ. އޭގެ ކުރިން މެޗްގެ ފުރަތަމަ ހާފްގެ 10 ވަނަ މިނެޓްތެރޭގައި ލިއޮނަލް މެސީ ނެގި ކޯނަރަކުން އެލެކްސިސް މެކް އެލިސްޓާ ކާމިޔާބު ކުރި ލަނޑާއެކު ކުރި ހޯދި ނަމަވެސް، އެ ޓީމަށް އެ ފަރަގު ބޮޑުކުރެވޭ ގޮތެއް ނުވިއެވެ. ނަތީޖާއަކަށްވީ މެޗުގެ 67 ވަނަ މިނެޓުގައި ނޮޓިންހަމް ފޮރެސްޓުގެ ވިންގަރު ޑެން އެންޑޯއީ ސުވިޒަލޭންޑަށް ލަނޑެއް ކާމިޔާބުކޮށްދީ އުންމީދު އާކޮށްދިނުމެވެ.

މެޗުން އާޖެންޓީނާ ކޮންޓްރޯލް ނެގީ ސްވިޒަރލޭންޑްގެ އެމްބޯލޯއަށް ދެއްކި ރަތްކާޑަށް ފަހުގައެވެ. ދެވަނަ ފަހަރަށް އާޖެންޓީނާއަށް ލީދް ނަގައިދިނީ، އިތުރުވަގުތުގެ ކުޅުމުގެ ތެރޭގައި އަލްވަރޭޒް އެވެ. އަދި އޭގެ ހަތް މިނެޓްފަހުން މާޓިނެޒް ވެސް ވަނީ ލަނޑެއްޖަހައި ސެމީފައިނަލުގެ ޔަގީންކަން ބޮޑުކޮށްދީފައެވެ.

މި މެޗުގައި މެސީއަށް ލަނޑެއް ކާމިޔާބު ނުކުރެވުނު ނަމަވެސް، އޭނާ ވަނީ ރެކޯޑެއް މުގުރާލާފައެވެ. އެއީ ވަރލްޑްކަޕްގެ ތާރީހުގައިވެސް 10 އެސިސްޓް ހެދި ފުރަތަމަ ކުޅުންތެރިޔާގެ ރެކޯޑެވެ. މި ރެކޯޑް ކުރިން އޮންނަނީ އުރުގުއޭގެ ރަންޒަމާނުގައި އެޓީމްގެ އަތުގައެވެ.

ވަރލްޑްކަޕް ސެމީފައިނަލުގައި އާޖެންޓީނާ ނިކުންނާނީ އެޓީމާ އެންމެ ވާދަވެރި އިންގްލެންޑާ ދެކޮޅަށެވެ. މިއީ މިފަހަރުގެ ވަރލްޑްކަޕްގައި ފެނިގެންދާނޭ އެންމެ ވާދަވެރި މެޗެވެ.