ފްރާންސް ބަލިކޮށް މިފަހަރުގެ ވަރލްޑްކަޕްގެ ތިންވަނަ ތީމްގެ މަގާމް އިންގްލޭންޑް ހޯދައިފިއެވެ.

ވަރލްޑްކަޕް ތިންވަނަ އިންގްލޭންޑުން ކާމިޔާބުކުރީ ފްރާންސާ ދެކޮޅަށް ކުޅުނުމެޗް 4-6 ގެ ނަތީޖާއިންނެވެ. މިމެޗްގައި އެންމެ ރަނގަޅު ކުޅުމެއް ފެނިގެްނދިޔައީ އާސެނަލަށް ކުޅެމުން އަންނަ ސަކާގެ ފަރާތުންނެވެ. އޭނާ ވަނީ މިމެޗްގައި ހެޓްރިކް ހަދައި ލަނޑުޖަހަން ފުރުސަތުތައް ތަނަވަސްކޮށްދީފައެވެ.

އެމެރިކާގެ މަޔާމީގައި ކުޅުނު މިމެޗްގައި އެންމެ ފުރަތަމަ ލަނޑެއް ޖަހައި ކުރި ހޯދީވެސް އިންގްލޭންޑެވެ. އެއީ މެޗްގެ ތިންވަނަ މިނެޓް ތެރޭގައި ޑެކްލަން ރައިސް ކާމިޔާބުކޮށްދިން ލަނޑުންނެވެ. ފުރަތަމަ ހާފްގައި ކޮންސާ، ސާކާ ، ޖަހައިދިން ލަނޑުތަކާއެކު އިނގިރޭސިން މި ހާފް ނިންމާލީ 4 ލަނޑުގެ ލީޑެއްގައި އޮވެގެންނެވެ.

ދެވަނަ ހާފްގައި ފްރާންސުން ވަނީ ކުޅުން ރަނގަޅުކޮށް 66 މިނެޓާ ހިސާބަށް ދިޔައިރު ތިންލަނޑު ޖަހައި މެޗް އެއްވަރުކުރުމުގެ އުއްމީދު އާކޮށްފައެވެ. މީގެ ތެރެއިން ދެ ލަނޑު އެމްބާޕޭ ޖަހައިދިންއިރު އަނެއް ލަނޑުޖެހީ ބާކޯލާއެވެ. ފްރާންސުން މެޗް އެއްވަރުކުރުމާ ގާތަށް ގޮސްފައިވަނިކޮށް ލިބުނު ޕެނަލްޓީއަކުން ސާކާ ވަނީ 87 ވަނަ މިނެޓް ތެރޭގައި އިތުރު ލަނޑެއް ޖަހައި މެޗްގެ ނަތީޖާ 5-3 ކަށް ބަދަލުކޮށްފައެވެ. ސާކާގެ ލަނޑަށްފަހު ޑެމްބަލޭ ލަނޑެއްޖަހާފައިވަނިކޮށް ބެލިންހަމް ވަނީ ލަނޑެއް ޖަހައި މެޗްގެ ނަތީޖާ 4-6 ކަށް ބަދަލުކޮށްފައެވެ.

މިމެޗްގައި ފްރާންސަށް ނަތީޖާ ހަމަހަމަކުރަން ރަނގަޅު ފުރުސަތުތައް ލިބިގެންދިޔައިރު، މީގެ ތެރޭގައި އޮލީސޭއަށް ލިބުނު ފުރުސަތުތައް ފާހަގަކޮށްލެވެއެވެ. މި މެޗަކީ 1966 ވަނަ އަހަރުގެ ފަހުން އިންގްލޭންޑުން ވަރލްޑް ކަޕެއްގައި ހޯދި އެންމެ ރަނގަޅު ނަތީޖާއެވެ.