ކުރިއަށް ދެން އޮތީ އާޖެންޓީނާގެ ފުޓްބޯޅަޓީމް ބިނާކުރުމުގެ މަސައްކަތް ކަމަށާއި އެކަމް މިހާލަތުގައި އެއީ ކުރަން ފަސޭހަވެސް ކަމެއް ނޫންކަމަށް އާޖެންޓީނާގެ ކޯޗް ލިއޮނެލް ސްކަލޯނީ ބުނެފިއެވެ.

މެޗަށްފަހު ބޭއްވި ނޫސްވެރިންގެ ބައްދަލުވުމުގައި ސްކަލޯނީ ވަނީ، ވަރލްޑްކަޕް ފައިނަލް މެޗްގެ އިތުރުން ޓީމްގެ ކުރިމަގާ ގުޅޭގޮތުން ކޮންމެވެސް ވަރަކަށް ވާހަކަދައްކާފައެވެ. ނަމަވެސް މާ ގިނަ ވާހަކަތައް ނުދެއްކެނީސް ރޮވެން ފެށުމުން އޭނާ ވަނީ, ޕްރެސްކޮންފަރެންސް ދޫކޮށް ގޮސްފައެވެ. ސްކޮލާނީ ޕްރެސް ދޫކޮށް ދާން ފެށުމުން ނޫސްވެރިންވަނީ އޭނާއަށް އިހްތިރާމްކުރުމުގެ ގޮތުން ތަރުހީބުގެ އަތްތިލަބަޑި ޖަހާފައެވެ.

ނޫސްވެރިްނގެ ބައްދަލުވުމުގައި ސްކޮލާނީ ބުނީ، ނަފްސާނީ އަދި ޖިސްމާނީގޮތުންވެސް ވަރަށްބޮޑަށް ވަރުބަލިވެއްޖެ ކަމަށާއި، ކުރިމަގާމެދު ވިސްނަން އަދި ވަގުތު ބޭނުންވާކަމަށެވެ. މިހާރު އޮތް ފެންވަރުގެ ޓީމެއް ބިނާކުރަން ޖެހޭއިރު އަދި އެއީ މިވަގުތަށް އުނދަގޫ ކަމެއްކަންވެސް ސްކޮލާނީ ވަނީ ފާަހަގަކޮށްފައެވެ. ސްޕެއިނާ ބެހޭ ގޮތުން ކޯޗް ބުނީ ސްޕެއިން މާމޮޅުކަމަށާއި، އާޖެންޓީނާގެ ޓީމް މިހާހިސާބަށް އައުމަށްކުރި މަސައްކަތް އޭނާ އަބަދުވެސް ފާހަގަކުރާނޭކަމަށެވެ. އާޖެންޓީނާގެ ޓީމާއެކު ސްކޮލާނީ ހަދާފައިވާ އެއްބަސްވުމުގެ މުއްދަތު ހަމަވާނީ މިއަހަރުގެ ޑިސެމްބަރުމަހަށެވެ. 

ސްކޮލާނީ އަކީ އޭނާގެ މިޒާޖާއި ހަރުދަނާ ސިފަތަކުގެ ސަބަބުން ގިނަ ބައެއްގެ މެދުގައި މަގްބޫލުކަން ހޯދި ކޯޗެކެވެ. ކޯޗިންގ ދާއިރާގައި ތަޖުރިބާ މަދުވުމުގެ ސަބަބުން، މަގާމާ ހަވާލުވި ދުވަސްވަރު ފުޓްބޯޅައިގެ މާހިރުންގެ ފަރާތުން ފާޑުިޔުންތައް އަމާޒުވިނަމަވެސް އޭނާ ވަނީ އާޖެންޓީނާގެ ޓީމަށް ތާރީހީ ކާމިޔާބުތަކެއް ހޯދައިދީފައެވެ. މީގެ ތެރެއިން އެންމެ ފާަހގަކޮށްލެވެނީ 2022 ވަނަ އަހަރގެ ވަރލްޑްކަޕެވެ.