މޯލްޑިވްސް އިމިގްރޭޝަނުން ރައްޔިތުންނަށް ފޯރުކޮށްދޭ ޕާސްޕޯޓްގެ ހިދުމަތްތައް އިތުރަށް ފަސޭހަކޮށް ޒަމާނީ އައު ބަދަލުތަކެއް ގެނެސްފިއެވެ.
އިމިގްރެޝަނުގައި ކުރިއަށްގެންދިޔަ ހާއްސަ ރަސްމިއްޔާތެއްގައި އެ އިދާރާއިން ވަނީ، ވޯލްކް އޮފް ލެގަސީ މައުރަޒު ހުޅުވައި، އަލަށް ގެނައި ބަދަލުތައް ހާމަކޮށްފައެވެ. އަލަށް ގެނައި މި ބަދަލުތަކާއެކު ޚިދުމަތް ހޯދާ ފަރާތްތަކަށް ކުރިމަތިވާ ދަތިތައް ކުޑަކޮށް އެންމެ ޒަމާނީ ނިޒާމެއްގެ ތެރެއިން ޚިދުމަތް ލިބޭނެ މަގު ވަނީ ފަހިކޮށްދީފައެވެ.
އަލަށް ގެނެވުނު ބަދަލުތަކުގެ ތެރޭގައި ޑިޖިޓަލް ވަސީލަތްތައް ބޭނުންކޮށްގެން ޕާސްޕޯޓަށް އެދި ހުށަހެޅުމުގެ ފުރުސަތު ހުޅުވައިލުމާއި އޮންލައިންކޮށް ފޮޓޯ އެޕްލިކޭޝަން ފުރިހަމަ ކުރެވޭ ގޮތް ހެދުމާއި ކަމާ ގުޅޭ ޢާންމު މަޢުލޫމާތު ފެތުރުމަށް "އިންފޮމޭޝަން ކައުންޓަރެއް" ޤާއިމުކުރުން ހިމެނެއެވެ.
ޕާސްޕޯޓްގެ ހިދުމަތްދޭ ޒަމާނީ އޮފީހާއި މައުރަޒް ހުޅުވުމުގެ ތެރެއިން.. ފޮޓޯ: އިމިގްރޭޝަން
މީގެ އިތުރުން ޚިދުމަތް އެދި އިސްކެންދަރު ކޮށީގައި ދިގު ކިޔޫގައި ތިބެން ޖެހުމުގެ ބަދަލުގައި އޮންލައިންކޮށް ހުށަހެޅޭނެ އިންތިޒާމު ވަނީ ހަމަޖައްސާފައެވެ.
މިކަމަށްޓަކައި ބޭއްވި ރަސްމިއްޔާތުގައި ކޮންޓްރޯލާ ޖެނެރަލް އޮފް އިމިގްރޭޝަން ކޮމިޝަނާ އޮފް ޕޮލިސް (ރޓ) އަޙުމަދު ފަޞީޙު ވިދާޅުވީ މިއީ ޕާސްޕޯޓު ޚިދުމަތުގެ ފެންވަރު ރަނގަޅުކުރުމަށް އެޅިގެންދިޔަ މުހިންމު ފިޔަވަޅެއް ކަމަށެވެ.
ދިވެހި ޕާސްޕޯޓު ޚިދުމަތަކީ އަޅުގަނޑުމެން ރައްޔިތުންނަށް ފޯރުކޮށްދޭ އެންމެ މުހިންމު އެއް ޚިދުމަތް. މިއަދު ރާއްޖޭގެ ހުރިހާ ތަންކޮޅެއްގައި މި ޚިދުމަތް ލިބެން ފެށީ އިހުރީގެ އަޅުގަނޑުމެންގެ އާމާޒަކީ މި ޚިދުމަތްތައް އިތުރަށް ފުޅާކޮށް ކޮންމެ ރައްޔިތަކަށްވެސް އެއްވެސް ތަކުލީފެއް ނެތި ފަސޭހަކަމާއެކު ޕާސްޕޯޓު ޚިދުމަތް ލިބޭނެ މަގު ފަހިކޮށްދިނުން
އިމިގްރޭޝަނުގެ ކޮންޓްރޯލާ ޖެނެރަލް
އިމިގްރޭޝަނުން މިރޭ ހުޅުވި ވޯލްކް އޮފް ލެގަސީ މައުރަޒު ފަރުމާކޮށްފައިވަނީ، އެ އިދާރާގެ މަސައްކަތްތައް ބަދަލުވަމުން އައިގޮސް ފެންނާނޭ ގޮތަށެވެ. އެގޮތުން އެންމެކުރީގައި އެ އިދާރާއިން ޕާސްޕޯޓްގެ ހިދުމަތް ދިނުމަށް ބޭނުންކުރި ތަކެއްޗާއި އަދި އެކި ދުވަސްވަރުގެ މަތިން ކޮށްފައިވާ މުހިންމު މަސައްކަތްތައް ތާރީހު އެނގޭނޭހެން ފެންނަން ހުންނަކަން ފާހަގަކޮށްލެވެއެވެ.
Advertisement
This content is created and paid for by advertisers and does not involve Voice Journalists
