ސްޕެއިންގެ ރިއަލް މެޑްރިޑުން ސްޕެއިންގެ ކެޕްޓަން ރޮޑްރީ ހޯދުމުގެ މަސައްކަތް ފަށައިފިކަމަށް ސްޕެއިންގެ ނޫސްތަކުން ރިޕޯޓްކޮށްފިއެވެ.
ސްޕެއިންގެ ބައެއް ނޫސްތަކުން ބުނެފައިވަނީ މެންޗެސްޓަރ ސިޓީގެ ކުޅުންތެރިއެއްގެ ގޮތުގައި މިވަގުތު ހުރި ރޮޑްރީ ހޯދުމުގެ މަސައްކަތް ރިއަލް މެޑްރިޑުން ފަށާފައިވާކަމަށާއި، އޭނާއާއެކު އެއްބަސްވުމަކާ ހަމަޔަށް އައުމުގެ ފުރުސަތު ބޮޑުކަމަށެވެ. ރިއަލް މެޑްރިޑުން ރޮޑްރީ ހޯދުމުގެ މަސައްކަތް ފެށީ އިތުބާރު އޮތުމުންކަމަށްވެސް މީޑިއާތަކުން ވަނީ ބުނެފައެވެ.
ނިމިގެންދިޔަ ވަރލްޑް ކަޕް ފައިނަލްގައި އާޖެންޓީނާ ބަލިކޮށް، ސްޕެއިން ތަށި އުފުލާލިއިރު އެ ޓީމުގެ ކެޕްޓަނަކީ ރޮޑްރީއެވެ. އޭނާ ވަނީ މުޅި މުބާރާތުގެ އެންމެ މޮޅު ކުޅުންތެރިޔާގެ މަގާމު ހޯދައި ރަން ބޯޅަ (ގޯލްޑަން ބޯލް) ވެސް ކާމިޔާބުކޮށްފައެވެ.
މައުލޫމާތު ލިބިފައިވާ ގޮތުގައި ސިޓީއާއެކު ރޮޑްރީ ހަދާފައިވާ އެއްބަސްވުމުގައި ބާކީ 12 މަސް ދުވަސް އޮތް ނަމަވެސް، އޭނާ އެ ކްލަބުގައި މަޑުކުރުވުމަށްޓަކައި އާ އެއްބަސްވުމެއްގައި ސޮއިކުރުވަން ސިޓީން ވަރަށް ބޮޑަށް ބޭނުންވެއެވެ.
ސިޓީގެ އާ ކޯޗު އެންޒޯ މަރެސްކާ ބޭއްވި ފުރަތަމަ ނޫސްވެރިންގެ ބައްދަލުވުމުގައި ވިދާޅުވެފައިވަނީ ބޮޑެތި ކުޅުންތެރިންނާ ގުޅޭގޮތުން އަބަދުވެސް ތަފާތު ވާހަކަތައް މީޑިއާއިން ދައްކާނޭކަމަށެވެ. އެއީ އާދައިގެ ކަމެއް ކަމަށްވާތީ އެކަމަށް މާބޮޑު ސަމާލުކަމެއް ނުދޭކަމަށް ކޯޗް ބުންޏެވެ. އެންޒޯ ބުނީ ރޮޑްރީ މިވަގުތު ހުރީ ޗުއްޓީގައި ކަމަށާއި ވަރަށް އަވަހަށް އޭނާ ޓީމާ ގުލޭނޭކަމަށެވެ.
Advertisement
This content is created and paid for by advertisers and does not involve Voice Journalists
