ސިނަމާލެ ބްރިޖުން ވެލާނާ އިންޓަނޭޝަނަލް އެއާޕޯޓާ ދިމާއަށް ދާ މަގުގެ ޓްރެފިކް ލައިޓް ސަރަހައްދުގައި މިއަދު ހެނދުނު ކާރަކާއި ސައިކަލެއް ޖެހި ހިނގި ނުރައްކާތެރި އެކްސިޑެންޓެއް ހިނގައިފިއެވެ.
މި އެކްސިޑެންޓްގައި އަނިޔާވި މީހާއަށް އައިޖީއެމް ހޮސްޕިޓަލުގައި އަންނަނީ ފަރުވާ ދެމުންނެވެ.
ފުލުހުން ބުނީ، ފުލުހުންނަށް މި ހާދިސާގެ ރިޕޯޓު ލިބުނީ ހެނދުނު 07:38 ހާއިރު ކަމަށެވެ.
މި އެކްސިޑެންޓުގައި ސައިކަލުގައި އިން މީހާއަށް އެކި ވަރުގެ އަނިޔާ ލިބިގެން ފަރުވާ ދިނުމަށް އެ މީހާ ވަނީ އައިޖީއެމް ހޮސްޕިޓަލަށް ގެންގޮސްފައެވެ.
"ހޮސްޕިޓަލުގައި އެ މީހާއަށް މިހާރު ދަނީ ފަރުވާ ދެމުން" ފުލުހުން ބުންޏެވެ.
އެ މީހާއަށް ލިބިފައިވާ އަނިޔާތަކުގެ ތަފުސީލެއް މިހައިތަނަށް ފުލުހުން ހާމަކޮށްފައެއް ނުވެއެވެ.
Advertisement
This content is created and paid for by advertisers and does not involve Voice Journalists
