ކުރިއަށްއޮތް ސީޒަނަށް ތައްޔާރުވުމުގެ ގޮތުން ލިވަޕޫލާ ލީޑްސް ޔުނައިޓެޑް ބައްދަލުކުރިމެޗް ލީޑްސް ކާމިޔާބުކޮށްފިއެވެ.

އެމެރިކާގައި މިހާރު ކުރިއަށްދާ ޕްރިސީޒަން ދަތުރުގައި ކުޅުނު އެންމެ ފަހުމެޗްގައި ލިވަޕޫލްގެ މައްޗަށް ލީޑްސް ކުރި ހޯދީ 4-2 ގެ ނަތީޖާއިންނެވެ. ދެ ލަނޑުގެ ލީޑެއްގައި ލިވަޕޫލް އޮއްވައި މިމެޗް ލީޑްސް ކާމިޔާބުކުރީ ފަހަތުން އަރައެވެ. މެޗުގެ ފުރަތަމަ ހާފުގައި ލިވަޕޫލުން ވަނީ މޮޅު ކުޅުމެއް ދައްކާފައެވެ. އެގޮތުން ލޫކް ޗެމްބާސް އާއި އަނިޔާއިން ސަލާމަތްވެ އެނބުރި އައި މިމެޗްގައި އޭނާގެ ކުޅުން ވަރަށްބޮޑަށް ފާހަގަވިއެވެ. މެޗްގައި ލިވަޕޫލްގެ ދެ ލަނޑުވެސް ކާމިޔާބުކޮށްދިނީ ފްލޯރިއަން ވީޓްޒް އެވެ.

މިމެޗްގެ އޮއިވަރު ބަދަލުވެގެން ގޮސްފައިވަނީ ދެވަނަ ހާފްގައި ލީޑްސް ޔުނައިޓެޑްގެ ޑޮމިނިކް ކަލްވަޓް-ލެވިން އާއި ހެރީ ވިލްސަން ކުޅެން އެރުވި ހިސާބުންނެވެ. އެގޮތުން ދެވަނަ ހާފުގެ އެންމެ 13 މިނެޓު ތެރޭގައި ލީޑްސްއިން ތިން ލަނޑު ޖަހައި މެޗުގެ ކޮންޓްރޯލް ހޯދިއިރު

ލީޑްސްގެ ފުރަތަމަ ލަނޑު، ޖަހާފައިވަނީ މިލޯސް ކާކޭޒްއަށް ހެދުނު ގޯހެއްގެ ފައިދާ ނަގައި ބްރެންޑަން އާރޮންސަން އެވެ. ލީޑްސްއަށް މެޗް އެއްވަރުކޮށްދިނީ ކަލްވަޓް-ލެވިން އެވެ. ކަލްވަޓް ލަނޑެއް ޖެހިތާ ދެމިނެޓް ފަހުން ޝޯން ލޯންގްސްޓާފް ޖެހި ލަނޑާއެކު ލީޑްސްއިން ވަނީ ފުރަތަމަ ފަހަރަށް ލީޑް ނަގާފައެވެ. އަދި އޭގެ ކުޑައިރުކޮޅެއް ފަހުން ކަލްވަޓް-ލެވިން ވަނީ އިތުރު ލަނޑެއް ޖަހައި، އެ ޓީމުގެ ހަތަރުވަނަ ލަނޑު ކާމިޔާބުކޮށްދީފައެވެ.

އާ ސީޒަން ފެށުމަށް ތިން ހަފުތާއަށް ވެފައިވާއިރު، ދެން އޮންނާނީ ޕްރި ސީޒަންގެ އެންމެ ފަހުގެ ތައްޔާރީތަކެވެ.