އެމްޑީޕީގެ ރައީސް ޢަބްދުﷲ ޝާހިދު އައްޑޫސިޓީއަށް ވަޑައިގަތުމަށް ނިންމަވައިފިއެވެ.
އެކްސްގައި ކުރެއްވި ޕޯސްޓެއްގައި ޝާހިދު ވިދާޅުވީ އަންނަ ހުކުރުދުވަހު އެމަނިކްފާން އައްޑޫ ސިޓީއަށް ދަތުރުފުޅެއް ކުރެއްވުމަށް ނިންމަވާފައިވާކަމަށެވެ. އެގޮތުން އައްޑޫސިިޓީއަށް ވަޑައިގަތުމަށް ނިންމަވާފައިވަނީ ހުކުރުދުވަހުގެ ހަވީރު 17:30 ގައެވެ.
ވޮއިސްއަށް މައުލޫމާތު ލިބިފައިވާ ގޮތުގައި ޝާހިދު އައްޑޫސިޓީއަށް ވަޑައިގަތުމަށް ނިންމަވާފައިވަނީ މުހިންމު ކަމެއް ފެއްޓެވުމަށެވެ. އެއީ ކުރިއަށްއޮތް ރިޔާސީ އިންތިހާބުގެ ކެމްޕެއިން ފެއްޓެވުމަށްކަމަށް ވޮއިސްއަށް ވަނީ މައުލޫމާތު ލިބިފައެވެ.
އިދިކޮޅު އެމްޑީޕީން ކުރިއަށް އޮތް ރިޔާސީ އިންތިހާބަށް ނިކުންނެވުމުގެ ޝައުގުވެރިކަން ބައެއް ބޭފުޅުން މިހާރުވެސް ވަނީ ފާޅުކުރައްވާފައެވެ. އޭގެ ތެރޭގައި ކުރީގެ އިކޮނޮމިކް މިނިސްޓަރު ފައްޔާޒް އިސްމާއީލް ފާހަގަކޮށްލެވެއެވެ. ކުރީގެ ރައީސް އިބްރާހިމް މުހައްމަދު ސޯލިހްވެސް ވަނީ އެމްޑީޕީ ރިޔާސީ ޕްރައިމަރީގައި ވާދަކުރައްވާނޭކަމަށް ވިދާޅުވެފައެވެ.
Advertisement
This content is created and paid for by advertisers and does not involve Voice Journalists
