ނުކުޅެދުންތެރިކަން ހުންނަ މީހުންނަށް މިސްކިތްތަކަށް ގޮސް ޖަމާއަތުގައި ނަމާދުކުރުމަށް ހުރި ހުރަސްތައް ހިއްސާކޮށް މިސްކިތްތަކުން ކުރިމަތިވި ހިތްދަަތިކަންކަން ނުކުޅުންތެރިކަން ހުންނަ މީހަކު ރައީސުލްޖުމްހޫރިއްޔާ ޑރ. މުހައްމަދު މުޢިއްޒުއާ ހިއްސާކޮށްފި އެވެ.
ރައީސްއާ ބައްދަލުކުރަން ބޭނުންވާ މީހުންނަށް ފުރުސަތު ފަހިކޮށްދީ "ރައްޔިތުންގެ އަޑު" ނަމުގައި ވަނީ ހާއްސަ ސިލްސިލާއެއް ފަށާފަ އެވެ. މި ސިލްސިލާގައި ރައީސްއާ ވަކީން ބައްދަލުކުރަން ރައްޔިތުންނަށް ފުރުސަތު ދެ އެވެ.
ވީލްޗެއާގައި ރައީސް އޮފީހަށް ހާޒިރުވެ ފާއިޒު ނަމަކަށްކިޔާ މީހަކު ވަނީ މިސްކިތުގެ ޖަމާއަތަށް ދިއުމުން އޭނާއަށް ކުރިމަތިވީ ކަންކަން ރައީސްއާ ހިއްސާކޮށްފަ އެވެ. ފާއިޒު ބުނީ ސޮލާހުއްދީން މިސްކިތަށް ދިއުމުން ވީލްޗެއާގައި ދޮރާއި ހަމައަށް ދިއުމަށްވެސް ފުރުސަތު ނުދިން ކަމަށެވެ. އަދި މިސްކިތް ހަޑިވާނެ ކަމަށް ބުނެ ދޮރުތައް ބަންދުކުރި ކަަމަށް ވަނީ ބުނެފަ އެވެ.
ރައީސް ފާއިޒުއާ ބައްދަލު ކުރަނީ --
ހުޅުމާލެ ބައެއް މިސްކިތްތަކުން ވެސް ކުރެވުނީ އެ ތަޖުރިބާ ކަމަށް ވަނީ ބުނެފަ އެވެ.
ފާއިޒު ވަނީ ނުކުޅެދުންތެރިކަން ހުންނަ މީހުންނަށް މިސްކިތްތަކަށް ގޮސް ޖަމާއަތުގައި ނަމާދުކުރެވޭނެ ކޮންމެވެސް އިންތިޒާމެއް ހަމަޖައްސައިދިނުމަށް އެދިފަ އެވެ. އަދި ކުރިމަތިވީ ކަންކަމާއި ގުޅިގެން މިހާރު މިސްކިތަށް ނުދެވޭ ކަމުގައި ބުނެފައިވެ އެވެ.
މީގެ އިތުރުން ބަސްތަކަށް އެރުމަށް ހުރި ދަތިތައްވެސް ފާހަގަކޮށްފައިވެ އެވެ.
ރައީސް ވަނީ އެ ޝަކުވާ އަޑުއައްސަވާ އެއީ ހައްލު ލިބެން ޖެހޭ މައްސަލައެއް ކަމުގައި ވިދާޅުވެފަ އެވެ. އަދި އެކަން ބައްލަވާނެ ކަމުގެ ޔަގީންކަން ދެއްވި އެވެ.
Advertisement
This content is created and paid for by advertisers and does not involve Voice Journalists
