އާސެނަލްގެ ކޯޗު މިކެލް އާޓެޓާގެ ކޮންޓްރެކްޓް ހަމަވާން 12 މަހަށް ވެފައިވީ ނަމަވެސް ކްލަބުގައި ހުރުމާ ގުޅޭގޮތުން ކަންބޮޑުވުމެއް ނެތްކަމަށް އަޓޭޓާ ބުނެފިއެވެ.

ނޫސްވެރިންނާ ވާހަކަދައްކަމުން އަޓޭޓާ ބުނީ، ކޮންޓްރެކްޓް އައު ކުރުމުގެ ރަސްމީ މަޝްވަރާތަކާ މެދު އެއްވެސް ކަންބޮޑުވުމެއް ނެތް ކަމަށެވެ. އަޓޭޓާ އާސެނަލާ ގުޅުނީ 2019 ވަނަ އަހަރެވެ. އާޓެޓާ ވަނީ މިދިޔަ ސީޒަނުގައި 22 އަހަރު ތެރޭ ފުރަތަމަ ފަހަރަށް ކްލަބަށް ޕްރިމިއާ ލީގު ހޯދައިދީފައެވެ. 

ކުރިއަށް އޮތް ސީޒަނަށް ތައްޔާރުވުމުގެ ގޮތުން އިއްޔެ ބޭއްވި ނޫސްވެރިންގެ ބައްދަލުވުމުގައި ނޫސްވެރިން ވަނީ އަޓޭތާގެ ކުރިމަގާ ގުޅޭގޮތުން ސުވާލުކޮށްފައެވެ. ނޫސްވެރިންގެ ބައެއް ސުވާލުތަކަށް ޖަވާބުދެމުން އަޓޭޓާ ބުނީ އާސެނަލްގައި ހުންނާނީތޯ ނުވަތަ ނޫންތޯ ކަނޑައެޅުމުގެ އެއްވެސް ކަންބޮޑުވުމެއް ނެތްކަމަށެވެ. 

"ނޫން އެކަމާ ކަންބޮޑުވާކަށް ނުޖެހޭ އެއީ އަހަރެން ބޭނުންވަނީ މިތާ ހުންނަން ވަރަށް އުފާވެރި" އާޓެޓާ ބުންޏެވެ. "އަހަންނާ އެކީ މަސައްކަތް ކުރާ މީހުންނާ އެކީ މަސައްކަތް ކުރެވޭތީ ވަރަށް ޝުކުރުވެރިވަން ފުރުސަތު ލިބުނީމާ އެކަމާ އުޅޭނީ" އަޓޭޓާ ބުންޏެވެ.

މި ފެށޭ ސީޒަނުގެ ޓްރާންސްފާ ވިންޑޯގެ އެންމެ ފަހު ދުވަހަކީ ސެޕްޓެމްބަރުމަހުގެ އެއްވަނަ ދުވަހެވެ. 

މިދިޔަ ސީޒަނުގައި ޗެމްޕިއަންސް ލީގު ފައިނަލުގައި ޕީއެސްޖީ އަތުން ބަލިވި ފަހުން ކްލަބު އިތުރަށް ވަރުގަދަ ކުރުމުގެ މަސައްކަތް ވަނީ ފެށިފައެވެ. ނިއުކާސަލްގެ ބްރޫނޯ ގިމަރައިޝް އާއި ކްލަބް ބްރޫގެ ގެ ކްރިސްޓޮސް ޒޯލިސް ޓީމާ ގުޅިފައިވާ އިރު ބަޔާ ލެވަކޫސެންގެ ޕިއެރޯ ހިންކަޕީވެސް ވަނީ ޓީމަށް ގެނެސްފައެވެ.

"އަހަރެން ވަކި ފަރުދެއްގެ ވާހަކައެއް ނުދައްކާނަން އެކަމަކު ބުނެވޭނީ ކްލަބުގެ އެދުން ބޮޑޭ. ސްކޮޑް ރަނގަޅު ކުރަން ބޭނުންވެޔޭ ވަރުގަދަ ކުރެވެން ހުރި ދާއިރާތައް ފާހަގަކޮށް އެކަން ހާސިލުކުރަން މަސައްކަތް ކުރަނީއޭ" އާޓެޓާ ބުންޏެވެ.

ކޮމިއުނިޓީ ޝީލްޑުގައި އާސެނަލް ނިކުންނާނީ އާދިއްތަދުވަހު މެންޗެސްޓާ ސިޓީއާ ދެކޮޅަށެވެ.